নিয়মীয়া বাৰ্তা ডিজিটেল, ২১ জানুৱাৰীঃ ৰয়েল চেলেঞ্জাৰ্ছ বাংগালুৰু (আৰ চি বি)ৰ অনুৰাগীসকলে দলটোৰ জয়ৰ বাবে প্ৰায়ে প্ৰাৰ্থনা কৰা দেখা যায়। তিনিবাৰকৈ আই পি এলৰ ফাইনেলত প্ৰৱেশ কৰা আৰ চি বিৰ দলটোৱে এতিয়ালৈকে এটাও ট্ৰফী লাভ কৰিব পৰা নাই। এতিয়া আই পি এল ২০২৫ৰ পূৰ্বে এজন ডাই হাৰ্ড আৰ চি বিৰ অনুৰাগীয়ে প্ৰয়াগৰাজৰ মহাকুম্ভ মেলাত উপস্থিত হৈছিল য’ত তেওঁ নিজৰ লগতে দলৰ জাৰ্চিও সংগমত ডুবাই পূজা কৰে ছচিয়েল মিডিয়াত ক্ৰমাৎ ভাইৰেল হৈ পৰিছে ফেনজনৰ ভিডিঅ’। মহাকুম্ভত কোটি কোটি ভক্তই বুৰ যাবলৈ ত্ৰিবেণী সংগমত উপস্থিত হৈছে, য’ত আৰচিবিৰ এজন ডাই হাৰ্ড অনুৰাগীও অন্তৰ্ভুক্ত কৰা হৈছিল। খিতাপ জয় নকৰাৰ পিছতো অনুৰাগীয়ে আৰ চি বিক বহুত ভাল পায়। একেজন অনুৰাগীৰ ভিডিঅ’ৰ কথা কওঁতে ভিডিঅ’টোত দেখা যায় যে আৰচিবিৰ অনুৰাগীয়ে সংগমত তিনিবাৰকৈ জাৰ্চি ডুবাই দিয়ে। ডুব যোৱাৰ পিছত অনুৰাগীয়ে দলৰ জয়ৰ কামনা কৰে। শেষত তেওঁ ‘ই চালা কাপ নামদে’ বুলিও কয়। যোৱা ছিজনত অৰ্থাৎ আই পি এল ২০২৪ত আৰ চি বিৰ দলটোৱে প্লে অফত প্ৰৱেশ কৰে। পইণ্ট টেবুলত চতুৰ্থ স্থান দখল কৰি দলটোৱে প্লে অফত প্ৰৱেশ কৰে, যাৰ বাবে তেওঁলোকে এলিমিনেটৰ মেচখন খেলিবলগীয়া হয়। ৰাজস্থান ৰয়েলছৰ বিৰুদ্ধে খেলা এলিমিনেটৰ মেচত আৰ চি বিয়ে চাৰিটা উইকেটত পৰাজয়ৰ সন্মুখীন হ’বলগীয়া হৈছিল। ইয়াৰ লগে লগে আকৌ এবাৰ দলটোৰ আই পি এল খিতাপ জয়ৰ সপোন ছিন্নভিন্ন হৈ পৰিল। ২০২৪ চনত খেলা মহিলা প্ৰিমিয়াৰ লীগৰ খিতাপ লাভ কৰিছিল আৰ চি বি মহিলা দলে। স্মৃতি মান্ধানাৰ অধিনায়কত্বত দলটোৱে খিতাপ দখল কৰে। চূড়ান্ত খেলখনত বেংগালুৰুৱে দিল্লী কেপিটেলছক ৮ উইকেটত পৰাস্ত কৰি ট্ৰফী লাভ কৰে।