বিশেষ বাৰ্তা, ৩১ জানুৱাৰীঃ দক্ষিণ আফ্রিকাত দুখন ছিৰিজতে হাৰি উভতিছে ভাৰতে। ইয়াৰ মাজতে টেষ্ট মেচৰ নেতৃত্বও এৰিছে বিৰাট কোহলিয়ে। এনে অৱস্থাত মনত কি চলিছে খেলুৱৈগৰাকীৰ? দেওবাৰে ইনষ্টাগ্ৰামত আয়নাৰ পিনে চাই থকা নিজৰ এখন ফটো পোষ্ট কৰিছে বিৰাটে।
View this post on Instagram
ফটোৰ সৈতে কেপচনত লিখিছে- যুঁজ সদায়ে নিজৰ সৈতে। মনৰ মাজত চলি থকা এখন যুঁজৰ কথাই ক’ব খুজিছে নেকি ভাৰতৰ প্রাক্তন অধিনায়কজনে? টি-২০ বিশ্বকাপৰ পাছত তেনে ক্ৰিকেটত আৰু নেতৃত্ব নিদিয়াৰ কথা জনোৱাৰ পাছতে এদিনীয়া শৃংখলাৰ নেতৃত্বৰ পৰাও আঁতৰোৱা হয় তেওঁক। ক্ৰিকেট বোৰ্ড আৰু সৌৰভ গাংগুলীৰ সৈতে বিৰাটৰ সংঘাত চলাৰ কথাও এই সময়ত যথেষ্ট চৰ্চা হৈছে।