এলন মাস্কক ছুইগী কিনিবলৈ ক’লে শুভমানে, আপোনাৰ টি-২০ৰ বেটিঙতকৈ আমি এতিয়াও ক্ষীপ্ৰ

বিশেষ বাৰ্তা, ৩০ এপ্ৰিলঃ এটা টুইটেৰে চৰ্চাত ভাৰতীয় ক্ৰিকেটাৰ শুভমান গিল। কালি নিশা তেওঁ সদ্য টুইটাৰ ক্ৰয় কৰা ধনকুবেৰ এলন মাস্ক আৰু খাদ্য ডেলিভাৰী সংস্থা ছুইগীক উল্লেখ কৰি এটা টুইট কৰিলে। তেওঁ এলন মাস্কক অনুৰোধ জনাইছে ছুইগী ক্ৰয় কৰিবলৈ যাতে তেওঁলোকে সময়মতে খাদ্য ডেলিভাৰী দিব পাৰে। ইয়াৰ পাছতে এই সংক্ৰান্ত কি ভুল হৈছে সেই অৰ্ডাৰৰ সবিশেষ বিচাৰি ছুইগীৰ ফালৰ পৰা দুটাকৈ মন্তব্য আহিল। শুভমানৰ এই টুইটত কিছুসময়ৰ ভিতৰতে ৩১ লাখ লাইক আৰু ১৬০০ ৰিটুইট হৈছে। বিভিন্নজনে দিয়া কমেণ্টৰ ভিতৰত এটা কমেণ্টে সকলোৰে দৃষ্টি কাঢ়িলে। ছুইগীৰ ভুৱা একাউণ্ট এটাৰ পৰা লিখিলে- ‘আপোনাৰ টি-২০ ক্ৰিকেটৰ বেটিঙতকৈ এতিয়াও আমি ক্ষীপ্ৰ।’ কোনোবাই কিছুদিনৰ বাবে কেৰিয়াৰ সলনি কৰি ডেলিভাৰী এক্সিকিউটিভ হৈ চাবলৈয়ে পৰামৰ্শ দিলে।