বিশেষ বাৰ্তা, ২৮ মেঃ কৰণ জোহৰৰ জন্মদিনৰ পাৰ্টীৰ চৰ্চা এতিয়াও শেষ হোৱা নাই। এই পাৰ্টীত বলীউডৰ সকলো তাৰকাই উপস্থিত হৈ য়েন এখন তাৰকী মণ্ডলীৰহে সৃষ্টি কৰে। কৰণ জোহৰৰ জন্মদিনৰ নতুন নতুন ফটো মুকলি হৈয়ে আছে। এই পাৰ্টীত কৰবাত প্ৰাক্তন প্ৰেমিক-প্ৰেমিকাক একেলগে দেখা গৈছে যদি ক’ৰবাত তিক্ততা পাহৰি কোনো কোনো তাৰকাক একেলগে আনন্দ কৰাও দেখা গৈছে। শেহতীয়াকৈ মাধুৰী দীক্ষিতে প্ৰকাশ কৰা এখন ফটোৱে অনুৰাগীৰ দৃষ্টি আকৰ্ষণ কৰিছে। এই পাৰ্টীৰ আন এখন সুন্দৰ ফটো দেখি অনুৰাগী সকল বিগত দিনৰ সোণালী স্মৃতিবোৰত হেৰাই গৈছে। তেওঁলোকে কয় যে- ইয়াতকৈ ধুনীয়া ফটো একোৱেই নহয়!
View this post on Instagram
ফটোখনত শ্বাহৰুখ খান, তেওঁৰ পত্নী গৌৰী খান, ছলমান খান আৰু গিৰিয়েক শ্ৰীৰাম নেনেৰ সৈতে প’জ দিয়া দেখা গৈছে মাধুৰীক। মোহময়ী মাধুৰীয়ে ছলমান আৰু শ্বাহৰুখ খান দুয়োৰে সৈতে কেইবাখনো ছবিত কাম কৰিছিল, বিশেষকৈ নব্বৈৰ দশক আৰু ২০০০ চনৰ আৰম্ভণিতে। ইয়াৰে অধিকাংশই হিট ছবি আছিল। শ্বাহৰুখ আৰু ছলমানেও একেলগে বহু ছবিত কাম কৰিছে। কিন্তু কোনেও একো নক’লেও দুয়োৰে মাজত শীতল যুঁজ এখন বহু দিনৰ পৰা চলি আছিল। প্ৰায় ২০ বছৰৰ মূৰত একেলগে দেখা গৈছে ছলমান-শ্বাহৰুখ আৰু মাধুৰীক।