বেট নধৰাকৈয়ে ‘ডাবল চেঞ্চুৰী’ অৰ্জন কোহলীৰ, এনে অভিলেখ গঢ়া বিশ্বৰ একমাত্ৰ ক্ৰিকেটাৰ

বিশেষ বাৰ্তা, ৮ জুনঃ ভাৰতৰ প্ৰাক্তন অধিনায়ক তথা তাৰকা বেটছমেন বিৰাট কোহলীৰ জনপ্ৰিয়তা কিমান জানেনে? বহুদিনৰ পৰা খেল পথাৰত ফৰ্মত নাথাকিলেও কোহলীৰ আছে অপাৰ মোহিনী শক্তি। কোহলী খেলপথাৰত অভিলেখ ভংগ কৰাৰ বাবে জনাজাত। এইবাৰ খেলৰ ময়দানত বেট নধৰাকৈয়ে ‘ডাবল চেঞ্চুৰী’ অৰ্জন কৰিছে এইজন ক্ৰিকেটাৰে। এনে সাংঘাটিক কাম কৰিব পৰা এতিয়ালৈ বিশ্বৰ একমাত্ৰ ক্ৰিকেটাৰ হ’ল কোহলী। বহুদিনৰ পৰা বেটেৰে শতক অৰ্জন কৰিব নোৱাৰিলেও কিন্তু ছ’চিয়েল মিডিয়াত তেওঁ জিলিকি উঠিছে। মঙলবাৰে ছ’চিয়েল মিডিয়া প্লেটফৰ্ম ইনষ্টাগ্ৰামত ২০ কোটি ফ’ল’ৱাৰৰ সীমা অতিক্ৰম কৰা প্ৰথমজন ভাৰতীয় খেলুৱৈ হিচাপে পৰিগণিত হৈছে কোহলী। ইনষ্টাগ্ৰামত সৰ্বাধিক অনুৰাগী থকা ক্ৰিকেটাৰ তখা ক্ৰীড়াবিদসকলৰ ভিতৰত কেৱল লিয়নেল মেছি আৰু ক্রিষ্টিয়ানো ৰোনাল্ডোৰহে অধিক অনুগামী আছে কোহলীতকৈ৷