নিয়মীয়া বাৰ্তা, ৫ জুলাইঃ চচাইটি ফ’ৰ উৎসাহ প্ৰদাকচন ( উৎসাহ ), ছিপাঝাৰৰ এই নৱতম বেচৰকাৰী সংস্থাটোৱে এইবেলি বানাক্ৰান্তৰ মাজত দৰং জিলাৰ বিভিন্ন স্থানত সাহায্য প্ৰদান কৰে । উল্লেখযোগ্য যে এই সংস্থাটোৱে যোৱা ২৭ জুন তাৰিখে ছিপাঝাৰৰ স’লপাম গাও আৰু কুৰুৱাৰ কিছু অঞ্চলত ১০০০ লিটাৰ খোৱাপানী বিতৰন কৰে, লগতে স’লপাম গাৱৰ দুগ্ধৰাম নাথক আৰ্থিক সাহায্যও প্ৰদান কৰে । সম্পূৰ্ণৰুপে বানত জাহ যায় দুগ্ধৰাম নাথৰ ঘৰখন ।
অবিৰত ভাৱে সংস্থাটোৱে যোৱা ৩ জুলাই তাৰিখে ছিপাঝাৰ অঞ্চলৰ গাখীৰখোৱা গাৱত ১০০ ঘৰ মানুহক পশুখাদ্য আৰু শিঙিমাৰী গাৱত ফেনাইল, ব্লিচিং পাউদাৰ আৰু মহিলাসকলৰ মাজত চেনিটাৰী পেদ বিতৰন কৰে । সংস্থাটোৰ এই পদক্ষেপক বানাক্ৰান্ত ৰাইজে ভূয়সী প্ৰশংসা কৰে, লগতে সংস্থাটোৰ উজ্জ্বল ভবিষ্যত কামনা কৰে ।