নিয়মীয়া বাৰ্তা, ১ ছেপ্টেম্বৰঃ ৰঙিয়া আৰক্ষীয়ে ড্ৰাগছৰ বিৰুদ্ধে অভিযান অব্যাহত ৰাখিছে। এক গোপন সূত্ৰৰ পম খেদি বৃহস্পতিবাৰে ৰঙিয়া মহকুমাধিপতি কাৰ্যলয়ৰ সন্মুখৰ পথত অভিযানকাৰী দলটোৱে খাপপিটি ড্ৰাগছসহ এজন লোকক আটক কৰে। ধৃত ড্ৰাগছ সৰবৰাহকাৰী হৈছে কামৰূপ জিলাৰ ছয়গাঁৱৰ চোহৰাব আলী। লোকজনৰ পৰা ড্ৰাগছসহ চাবোনৰ বাকচ, চোকা অস্ত্ৰ , মোবাইল এটা জব্দ কৰে। লগতে এখন AS-01-EM-1554 ৱগেনাৰ বাহনো আৰক্ষীয়ে জব্দ কৰিবলৈ সক্ষম হয়। লোকজন তামুলপুৰ জিলাৰ খন্দিকৰৰ পৰা ৰঙিয়া অভিমুখে আহি আছিল। আৰক্ষীয়ে অধিক তথ্যৰ বাবে লোকজনক জেৰা অব্যাহত ৰাখিছে।
প্ৰেৰক ফাৰুক হুছেইন