বিশেষ বাৰ্তা, ১৫ অক্টোবৰঃ আজি নগাঁও জিলা যোগ ক্ৰীড়া সন্থাৰ উদ্যোগত আৰু অসম ৰাজ্যিক যোগ ক্ৰীড়া সন্থাৰ পৰ্যবেক্ষণত অনুষ্ঠিত দ্বিতীয় অসম ৰাজ্যিক যোগ ক্ৰীড়া প্ৰতিযোগিতা নগাঁও জিলা আৰক্ষী প্ৰেক্ষাগৃহত অনুষ্ঠিত হয়। অসমৰ ২৪খনৰো অধিক জিলাৰ পাঁচ শতাধিক খেলুৱৈয়ে অংশ গ্ৰহণ কৰা প্ৰতিযোগিতাখন আনুষ্ঠানিকভাৱে উদ্বোধন কৰে নগাঁৱৰ উপ আৰক্ষী অধীক্ষক ত্ৰিদিব কুংবানে। শুভ উদ্বোধনী অনুষ্ঠানত শিক্ষাবিদ ভাৰত চন্দ্ৰ নাথ, এচিয়ান কেৰম এচোছিয়েচনৰ প্ৰাক্তন উপ-সভাপতি তথা বিশিষ্ট ক্ৰীড়া সংগঠন প্ৰদীপ কুমাৰ হাজৰিকা, জিমনাষ্টিক ফেডাৰেচন অৱ ইন্দিয়াৰ যুটীয়া সম্পাদক উজ্বল বৰুৱা, অসম ৰাজ্যিক যোগ ক্ৰীড়া সন্থাৰ সভাপতি বিকাশ গোস্বামী, সাধাৰণ সম্পাদক জ্যোতিময় শইকীয়া, উপ সভাপতি প্ৰদীপ বৰঠাকুৰ, ৰাজ্যিক কাৰ্যনিৰ্বাহক হৰিপ্ৰসাদ তালুকদাৰ, আজাদ হাজৰিকা, অসম ৰাজ্যিক ৰেচলিং এচ’চিয়েচনৰ সম্পাদক অভিজিত নাথ, নগাঁও যোগ ক্ৰীড়া সন্থাৰ সভপতি নৱনীতা শৰ্মা আৰু জিলা সন্থাৰ কাৰ্যকৰি সভাপতি প্ৰতাপ চন্দ্ৰ ডেকা আদি বিশিষ্ট ব্যক্তি সকলে সভাত উপস্থিত থাকি ভাষণ প্ৰদান কৰে। খেল’ ইন্দিয়াৰ ৰূপৰ পদক প্ৰাপ্ত যোগ খেলুৱৈ, সদ্য সমাপ্ত ৩৬ তম নেচনেল গেমত কৃতি খেলুৱৈ ৰূপা পাল, ৰাষ্ট্ৰীয় যোগ খেলুৱৈ শৰ্মিলা কুমাৰী আৰু শোণিতপুৰ জিলাৰ এচ এচ বি জোৱান যোগ খেলুৱৈ দলৰ দৃষ্টিনন্দন মনোমোহা আৰু আকৰ্ষণীয় যোগ প্ৰদৰ্শনে উপস্থিত সকলোকে আপলুত কৰে। যোগ সন্থাৰ ৰাজ্যিক আৰু জিলাৰ পতাকা উত্তোলনৰ পিচতে বন্তি প্ৰজ্বলন কৰে নগাঁও জিলা ক্ৰীড়া বিষয়া মানস প্ৰতিম দাস। তিনিদিনীয়া কাৰ্যসুচীৰ সফল ৰূপায়নৰ বাবে যোগ প্ৰেমী ৰাইজৰ উপস্থিতি আৰু সহায় সহযোগিতাৰ বাবে জিলা যোগ সন্থাৰ অঞ্জন কৌশিক শৰ্মা আৰু চক্ৰ পাণি গোস্বামীয়ে কামনা কৰিছে।
প্ৰেৰক কনক হাজৰিকা