নিয়মীয়া বাৰ্তা, ১৬ অক্টোবৰঃ ৰাজ্যৰ ভিন্ন প্ৰান্তত সিচৰিত হৈ থকা মিচিং ভূমিপুত্ৰ সকলৰ অধ্যোষিত অঞ্চলসমূহৰ লগতে সোণাৰি চাপৰি আৰু বৰবাৰীতো মিচিং জনগোষ্ঠীৰ জাতীয় সংগঠন টিএমপিকেৰ ৫১ সংখ্যক প্ৰতিষ্ঠা দিবসটি আজি দিনজোৰাকৈ বিভিন্ন কাৰ্যসূচীৰে উদযাপন কৰা হয় ৷ টিএমপিকেৰ ৫১ সংখ্যক প্ৰতিষ্ঠা দিৱসৰ লগত সংগতি ৰাখি সোণাৰি চাপৰি প্ৰাথমিক বিদ্যালয়ত সোণাৰি চাপৰি বাংকেৰ উদ্যোগত অনুস্থিত কৰা প্ৰতিষ্ঠা দিৱসৰ কাৰ্যসূচী অনুসৰি পুৱা বিদ্যালয়সমূহৰ ছাত্ৰ-ছাত্ৰী সকলৰ মাজত বিভিন্ন ক্ৰিড়া প্ৰতিযোগিতা সমুহ অনুস্থিত কৰি ব্ক্ষ ৰোপণৰ অন্তত সোণাৰি চাপৰিৰ গ্ৰাম সৰ্বেশ্বৰ দলেই পতাকা উত্তোলন কৰাৰ পিছতেই সাহিত্য আৰু সাংস্কৃতিক প্ৰতিযোগিতাৰ অন্তত মুকলি সভা অনুস্থিত কৰে ৷ অনুৰূপ কাৰ্যসুচীৰে বৰবাৰী বাংকেৰ উদ্যোগত দক্ষিণ চাৰিকৰীয়া উচ্চ মাধ্যমিক বিদ্যালয়টো আজি বিভিন্ন কাৰ্যসূচীৰে দিনজোৰাকৈ মিচিং জাতিৰ জাতীয় সংগঠন টিএমপিকেৰ ৫১ সংখ্যক প্ৰতিষ্ঠা দিৱস উদযাপন কৰে ৷