নিয়মীয়া বাৰ্তা, ২নৱেম্বৰ : লখিমপুৰৰ বাইপাছ ৰঙাজান চাৰিআলিৰ সমীপত আজি পুৱাই এক ভয়ংকৰ পথদুৰ্ঘটনা৷ দুৰ্ঘটনাত এজন বাইক আৰোহী থিতাতে নিহত৷ নিহত যুৱকজনৰ নাম নুৰুল ইছলাম ৪০৷ লখিমপুৰ ৰ চাবতিত ঘৰ নিহত নুৰুলৰ ৷ নুৰুল ইছলামে এ এছ ০৭ এম ২০৮৮ নম্বৰৰ এখন পালচাৰ বাইকেৰে আহি থকা অৱস্থাত একে দিশৰ পৰা অহা অৰুণাচলৰ পঞ্জীয়ন থকা এ আৰ ০১ এইচ ০৪৮৫ নম্বৰৰ আই টুৱেন্টি গাড়ীখনে খুন্দিয়াই বহু দুৰ চোচৰাই নিয়ে। থিতাতে মৃত্যু হয় নুৰুলৰ।
ইপিনে এই ঘটানাত ক্ষুদ্ধ হৈ পৰে স্হানীয় লোক। পথ অৱৰোধ কৰি ৰাইজে উত্তপ্ত পৰিস্থিতি সৃষ্টি কৰে। উচিত বিচাৰ নোহোৱা পৰ্যন্ত মৃতদেহটো নিবলৈ দিয়া নহ’ব বুলি ৰাইজ আকোৰ গোজ হৈ উত্তপ্ত পৰিস্থিতি সৃষ্টি কৰে। ক্ৰমে উত্তেজনা বৃদ্ধি হোৱাত ঘটনাস্থলীৰ পৰা লোকসকলক আতৰাই পথাবলৈ আৰক্ষীয়ে শূন্যলৈ গুলীচালনা কৰে। গুলিচালনা কৰি আৰক্ষীয়ে পৰিস্থিতি নিয়ন্ত্রণ কৰি পাছত মৃতদেহটো মৰণোত্তৰ পৰীক্ষাৰ ব্যবস্থা কৰে। ইতিমধ্যে দুৰ্ঘটনাত সংঘটিত কৰা বাহনখনৰ চালকক আৰক্ষীয়ে আটক কৰিছে।