নিয়মীয়া বাৰ্তা, ২৩ ফ্ৰেব্ৰুৱাৰীঃ শোণিতপুৰৰ অসম-অৰুণাচল সীমান্তৱৰ্তী ভালুকপুঙত শোণিতপুৰ আৰক্ষী আৰু চাৰিদুৱাৰ আৰক্ষীয়ে জব্দ কৰিছে বৃহৎ পৰিমাণৰ গাঞ্জা । জানিব পৰা মতে এক বিশেষ সূত্ৰৰ খবৰৰ ভিত্তিত যোৱা নিশা শোণিতপুৰ আৰক্ষী আৰু চাৰিদুৱাৰ আৰক্ষীয়ে ভালুকপুঙত এক তালাচী অভিযান চলায় । অভিযানকালত আৰক্ষীয়ে এখন বলেৰ’ পিক আপ ভানত বস্তাত কঢ়িয়াই ভালুকপুঙৰপৰা ওদালগুৰিলৈ বুলি নি থকা ৫৭৫ কিলোগ্ৰাম গাঞ্জা জব্দ কৰিবলৈ সক্ষম হয় । আৰক্ষীয়ে লগতে আটক কৰিছে গাড়ীখনৰ চালকজনক । উল্লেখ্য যে জব্দকৃত গাঞ্জাখিনিৰ বজাৰ মূল্য তিনি কোটি টকা হ’ব ।