নিয়মীয়া বার্তা, ২৭ ফেব্ৰুৱাৰীঃ অসমৰ গ্ৰাম্যাঞ্চলৰ অন্যতম ক্ৰীড়ানুষ্ঠান পশ্চিম নলবাৰীৰ চামতা আঞ্চলিক ক্ৰীড়া সংঘৰ দ্বাৰা পৰিচালিত তথা সৰ্বভাৰতীয় ফুটবল ফেডাৰেচনৰ দ্বাৰা স্বিকৃতিপ্রাপ্ত ৪৩সংখ্যক নৰোৰাম বৰ্মন সোঁৱৰণী বিজয়ী ট্ৰফী, ৰণীধৰ বৰ্মন সোঁৱৰণী বিজিত ট্ৰফী আৰু প্ৰমোদ কুমাৰ পাটোৱাৰী সোঁৱৰণী প্ৰাইজমানি ফুটবল প্ৰতিযোগিতা খন এইবেলি অহা ৩ মাৰ্চ তাৰিখৰ পৰা অনুষ্ঠিত হব। চামতা আঞ্চলিক ক্ৰীড়া সংঘৰ ষ্টেডিয়ামত অনুষ্ঠিত হ’ব লগা প্ৰতিযোগিতাখনত এইবেলি অসম ৰাজ্যিক বিদ্যুৎ পৰিষদ, নৰ্থ ইষ্ট ইউনাইটেড এফ চি, ইলেভেন ষ্টাৰ এফ চি,গ্লোবেল এফ চি,এ পি আৰ ও, চিটি এফ চি, মুকালমুৱা আঞ্চলিক ক্ৰীড়া সন্হা, চামতা আঞ্চলিক ক্ৰীড়া সংঘ দলে যোগদান নিশ্চিত কৰিছে বুলি ক্ৰীড়া সংঘৰ সম্পাদক বিকাশ ভট্টাচাৰ্যই এক প্ৰেছ বিজ্ঞপ্তি যোগে জানিব দিছে।
প্রেৰক তপন কুমাৰ শর্মা