নিয়মীয়া বাৰ্তা ::১২ মাৰ্চ :: শোণিতপুৰৰ ৭৪ নং ৰঙাপৰা বিধানসভা সমষ্টিত কালি ভাৰতীয় জাতীয় কংগ্ৰেছে হাথ ছে হাথ জোৰো কাৰ্যসূচী অনুষ্ঠিত কৰে । সমষ্টিটোৰ বালিপৰা ব্লক কংগ্ৰেছ কমিটিৰ অন্তৰ্গত ৰঙাজান মণ্ডল কমিটিৰ উদ্যোগত ৰঙাজানত আয়োজিত অনুষ্ঠানটোত শোণিতপুৰ জিলা কংগ্ৰেছৰ সভাপতি দাদুল বৰকটকী, সাধাৰণ সম্পাদক আমিনুল ইছলান, ব্লক কংগ্ৰেছৰ সভাপতি নৰেন নৰহ , ৰাজেশ পাণ্ডিয়াৰ লগতে জিলা কংগ্ৰেছ, ব্লক কংগ্ৰেছ, মণ্ডল কংগ্ৰেছৰ বিষয়ববীয়াসকল উপস্থিত থাকে । অনুষ্ঠানত কংগ্ৰেছৰ বিষয়ববীয়াসকলে বিজেপিক অপশাসক আখ্যা দি এইবেলি অসমৰ লগতে ৰঙাপৰা সমষ্টিৰপৰা বিজেপিক উৎখাট কৰিবলৈ সংকল্প গ্ৰহণ কৰে । অনুষ্ঠানত ৰঙাজান অঞ্চলত হাথ ছে হাথ জোৰো কাৰ্যসূচীৰ লিফ্লেটসমূহো ৰাইজ আৰু কাৰ্যকৰ্তাৰ মাজত বিতৰণ কৰা হয় ।