নিয়মীয়া বাৰ্তা, ৩১ মাৰ্চ : কামৰূপৰ বকো আৰক্ষীৰ চুপাৰি চোৰৰ বিৰুদ্ধে সফল অভিযান।বুধবাৰে পুৱতি নিশা বকো আৰক্ষী থানাৰ উপ পৰিদৰ্শক অপূৰ্ব কলিতাৰ নেতৃত্বত ছুপাৰী চোৰৰ বিৰুদ্ধে বকো আৰু ছয়গাঁওৰ বহু এলেকাত চলিছিল অভিযান।নিশাৰ অভিযানত ৬ জন লোকক আটক কৰি আনি সোধ পোছৰ অন্তত গ্ৰেপ্তাৰ কৰে। গ্ৰেপ্তাৰ কৰা লোক কেইজন ক্ৰমে হাছান আলী (২২), চিকেন আলী (২২), আব্বাছ আলী (৪২), ছিৰাজুল ইছলাম (২২), আয়ুব আলী (৩৬), ৰবু আলী। প্ৰাপ্ত তথ্য মতে ধৃত ছোৰ হাছানৰ লগত ৬ জনীয়া এই বৃহৎ গেংটোৱে বকোৰ জামবাৰীত এটা গুদামৰ পৰা ১০ কুইন্টলতকৈ অধিক পৰিমাণৰ ছুপাৰি চুৰি কৰিছিল। ইয়াৰ পিছতে বকো আৰক্ষীয়ে বিভিন্ন কৌশল অৱলম্বন কৰি অনুসন্ধান চলাই আটাইকেইজনক গ্ৰেপ্তাৰ কৰে। খবৰ অনুসৰি ধৃত চোৰ কেইজন নাৰী ব্যৱসায়ৰ লগতো জড়িতৰ সন্দেহ। শুকুৰবাৰে গ্ৰেপ্তাৰ কৰা আটাকেইজন চোৰকে বকো আৰক্ষীয়ে মহামান্য আদালতলৈ প্ৰেৰণ কৰিছে আৰু পৰবৰ্তী অধিক তথ্যৰ উদ্ধাৰৰ বাবে বকো আৰক্ষীয়ে তদন্ত অব্যাহত ৰাখিব বুলি জানিব পৰা গৈছে।
প্ৰেৰক প্ৰীতম বায়ন