নিয়মীয়া বাৰ্তা;৩ এপ্ৰিল::-কামৰূপ জিলাৰ বকো বিধানসভা সমষ্টিৰ বকো খণ্ড উন্নয়ন বিষয়াৰ কাৰ্যালয়ৰ নৱনিযুক্ত খণ্ড উন্নয়ন বিষয়া গংগোত্ৰী নেওঁগক সোমবাৰে সম্বৰ্ধনা জ্ঞাপন কৰে বকো ব্লক কংগ্ৰেছ কমিটিৰ বিষয়ববীয়াই।খণ্ড উন্নয়ন বিষয়া গৰাকীক গামোচা,পাজাৰ, ফুলাম জাপি আৰু শৰাইৰে সম্বৰ্ধনা জনাই কংগ্ৰেছৰ বিষয়ববীয়াই।সম্বৰ্ধনা অনুষ্ঠানত উপস্থিত থাকে বকো ব্লক কংগ্ৰেছৰ সভাপতি অৰবিন্দ ৰাভা;উপ সভাপতি ৰাম ডেকা;অসম প্ৰদেশ কংগ্ৰেছ কমিটিৰ গোৰ্খা কোষৰ সম্পাদক কামাখ্যা চেত্ৰী;৬৯ নং মহিলা মণ্ডল কংগ্ৰেছৰ সভানেত্ৰী সৰলা দাস;বকো ব্লক কংগ্ৰেছৰ সাধাৰন সম্পাদক বিজয় কলিতা,বিজু হুচেইন;কামৰূপ জিলা কংগ্ৰেছ সমিতিৰ সদস্য ভুপেশ চৌধুৰী;বকো ব্লক যুৱ কংগ্ৰেছৰ সভাপতি ধীৰাজ বড়ো।
প্ৰেৰক- ছমৰীয়া সত্ৰৰ পৰা প্ৰীতম বায়ন