নিয়মীয়া বাৰ্তা ; ২০ মে’ – কামৰূপ জিলাৰ বকোৰ সামাজিক – সাংস্কৃতিক আৰু ক্ৰীড়া সংগঠন বগাইৰ এই বেলি ২৫ বছৰ গৰকা উপলক্ষে অনুস্থানটোৱে আৰম্ভ কৰিছে ৰূপালী জয়ন্তী বৰ্ষৰ কাৰ্য্যসূচী। বিগত বছৰবোৰৰ দৰে আজিও ৫ জেঠ অৰ্থাৎ ২০ মে’ৰ দিঅনাই শুভাৰম্ভ কৰে ৰূপালী জয়ন্তী বৰ্ষৰ কাৰ্য্যসূচী। সামাজিক – সাংস্কৃতিক আৰু ক্ৰীড়া সংগঠন বগাইৰ মুল সমিতিৰ সভাপতি সংগীত বড়ো আৰু সাধাৰণ সম্পাদক ধীৰাজ ওৰফে ৰাজা ৰাভা লগতে বগাই সাংস্কৃতিক সন্ধিয়া উদযাপন সমিতিৰ সভাপতি অৰ্জুন চেত্ৰী আৰু সাধাৰণ সম্পাদক হিৰণ্য পাঠকে জনোৱা মতে প্ৰতি বছৰে অসমীয়া জেঠ মাহৰ ৫ তাৰিখে অৰ্থাৎ ২০ মে’ৰ দিনা পালন কৰা হয় দক্ষিণ কামৰূপৰ জনপ্ৰিয় সাংস্কৃতিক অনুষ্ঠান বগাই। উল্লেখ্য যে বগাইৰ এই বেলি পছিশ বছৰীয়া বৰ্ষ পূৰ্তি উপলক্ষে অনুস্থানটোৱে আয়োজন কৰিছে ৰূপালী জয়ন্তী বৰ্ষৰ মহানুস্থান। বগাইৰ কাৰ্য্যসূচী অনুসৰি আজি পুৱাৰ ভাগত পূজা পাৰ্বন ; বগাইৰ পছিশ বছৰীয়া বৰ্ষ পূৰ্তি উপলক্ষে বগাইৰ মুল পতাকা সহ ছাব্বিশ খন পতাকা উত্তোলন। বগাইৰ মুল পতাকা উত্তোলন কৰে সভাপতি সংগীত বড়োই লগতে সাংস্কৃতিক সন্ধিয়া উদযাপন সমিতিৰ সভাপতি অৰ্জুন চেত্ৰী আৰু সাধাৰণ সম্পাদক হিৰণ্য পাঠক সহ বিগত তথা প্ৰাক্তন সভাপতি আৰু সম্পাদক সকলোৰ দ্বাৰা পছিশ খন পতাকা উত্তোলন। অনুস্থানত বকো মজলীয়া বিদ্যালয়ৰ অৱসৰপ্ৰাপ্ত প্ৰধান শিক্ষয়িত্ৰী মীৰা মহন্তৰ জৰিয়তে বকোৰ শ্বহীদ বেদীত স্মৃতি তৰ্পণ আৰু জেভলিন আৰু চটফুট খেলত ৰাষ্ট্ৰীয় সন্মান প্ৰাপক খেলুৱৈ দেৱ কুমাৰ দাসৰ জৰিয়তে বিভিন্ন খেল ধেমালি প্ৰতিযোগিতা অনুষ্ঠিত কৰা হয়। সমাজত খেল আৰু খেলুৱৈ সৃষ্টি কৰি নতুন প্ৰজন্মৰ মাজত ক্ৰীড়া প্ৰতিভা বিকাশৰ বাবে বগাইৰ উদ্যোগত আয়োজন কৰা হয় সৰু ল’ৰা ছোৱালীৰ পৰা ডাঙৰ পুৰুষ মহিলাৰ ভিন্ন খেল প্ৰতিযোগিতা। বগাইয়ে আয়োজন কৰা খেল সমূহৰ বিশেষ আকৰ্ষণ জ্যেষ্ঠ্য পুৰুষ মহিলাৰ পৃথক পৃথক ৰছীটনা খেলৰ প্ৰতিযোগিতা। এই বেলি বগাইৰ ৰূপালী জয়ন্তী বৰ্ষ উদযাপনৰ শুভাৰম্ভণী অনুষ্ঠানত প্ৰাক্তন সভাপতি তথা সম্পাদক ক্ৰমে লক্ষী দৈমাৰী ; মদন চোনী ; অঞ্জন ৰাভা ; তৰুণ বড়ো ; সুমিত ৰাভা ; পুনাকণ বসুমতাৰী ; মুনিন্দ্ৰ ডেকা ; হৃদয় প্ৰতীম মহন্ত ; সুৰোজিৎ বড়ো ; মিন্টু ডাকুৱা ; সাৰঙ্গ পাটোৱাৰী ; ৰাম কৃষ্ণ ডেকা ; সঞ্জীৱ ৰাভা ; ভৱেন দাস ; ধনমণি দাস ; আদিত্য ৰাভা সহ মোহিত ৰাভাকে ধৰি পছিশ গৰাকী বগাইৰ কৰ্মকৰ্তাই পতাকা উত্তোলন কৰে। ইফালে খেল ধেমালি প্ৰতিযোগিতাৰ পুৰুষ / মহিলাৰ উভয়ৰ ৰছীটনা খেলে সহশ্ৰাধিক দৰ্শকক আমোদ দিয়ে।
প্ৰেৰক – বকোৰ পৰা বিষ্ণু ৰাম দাস।