বিশেষ বাৰ্তা, ২৪ মেঃ জম্মু-কাশ্মীৰৰ কিষ্টৱাৰত আজি সংঘটিত এক দুৰ্ঘটনাত ৭জন লোকৰ মৃত্যু হয়। লাভ কৰা তথ্য অনুসৰি ধনডুৰু বিদ্যুৎ প্ৰকল্পৰ কৰ্মচাৰী কঢ়িয়াই অনা এখন ক্ৰুজ গাড়ী দুৰ্ঘটনাৰ বলি হয়। এই দুৰ্ঘটনাত বহু লোক আহত হোৱাৰ খবৰ পোৱা গৈছে। দুৰ্ঘটনাটো নিশ্চিত কৰি কেন্দ্ৰীয় মন্ত্ৰী জিতেন্দ্ৰ সিঙে কয় যে ডাংডুৰু মথাউৰিস্থলীত সংঘটিত দুৰ্ভাগ্যজনক পথ দুৰ্ঘটনাৰ বিষয়ে উপায়ুক্ত কিষ্টৱাৰ ডাঃ দেৱংশ যাদৱৰ সৈতে কথা পাতিছে। এই ঘটনাত ৭জন লোকৰ মৃত্যু হোৱাৰ বিপৰীতে এজন গুৰুতৰভাৱে আহত হৈছে। আহতসকলক প্ৰয়োজন অনুসৰি জিলা চিকিৎসালয় কিষ্টৱাৰ বা জিএমচি ডোডালৈ প্ৰেৰণ কৰা হৈছে। প্ৰয়োজন অনুসৰি সকলো ধৰণৰ সহায় আগবঢ়োৱা হ’ব। কিষ্টৱাৰত সংঘটিত এই বেদনাদায়ক দুৰ্ঘটনা প্ৰথম ঘটনা নহয়। শেহতীয়াকৈ কিছুদিন পূৰ্বে চেনাব নদীত এখন সেনা চপাৰ দুৰ্ঘটনাগ্ৰস্ত হোৱাৰ লগতে এই দুৰ্ঘটনাত এজন ফ্লাইট টেকনিচিয়ানৰ মৃত্যু হোৱাৰ লগতে দুজন পাইলট আহত হয়। সেনা বিষয়াৰ মতে, চিকিৎসালয়তে মৃত্যু হয় ফ্লাইট টেকনিচিয়ান অনিলৰ। সেনাবাহিনীৰ উত্তৰ কমাণ্ডে এক টুইটযোগে জনোৱা মতে, উত্তৰ সেনাবাহিনীৰ অধিনায়ক লেফটেনেণ্ট জেনেৰেল উপেন্দ্ৰ দ্বিবেদী আৰু নৰ্দাৰ্ণ কমাণ্ডৰ সকলো ৰেংকে কিষ্টৱাৰৰ সমীপৰ এ এল এইচ এম কে ৩ৰ অপাৰেচনেল ছৰ্টীৰ সময়ত চি এফ এন (এ ভি এন টেক) পব্বাল্লা অনিল কেক চেলুট দিয়ে ত্যাগ কৰাৰ লগতে শোকসন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰে।