নিয়মীয়া বাৰ্তা, ১৬ জুনঃ ৰাজ্যৰ বিভিন্ন প্ৰান্তৰ লগতে বাক্সা জিলাৰ শালবাৰীৰ ৰূপহী অঞ্চলত বাঢ়নী পানীৰ তাণ্ডৱত হাহাকাৰ অৱস্থাৰ সূচনা হয় । কালি মুষলধাৰ বৰষুণৰ ফলত ৰূপহী নদীৰ পানী বৃদ্ধি হোৱাত উটুৱাই নিয়ে বাঁহৰ দলং। গুৰুত্বপূৰ্ণ বাঁহৰ সাঁকোখন ভাঙি যোৱাৰ ফলত কেইবাখনো গাঁওৰ মাজত যাতায়াত ব্যাহত হৈ পৰে । বৃহত্তৰ অঞ্চলটোৰ বিদ্যালয়সমূহত পৰীক্ষা চলি থকাৰ মাজতে উটুৱাই নিয়ে দলংখন । আজিৰে পৰা ছাত্ৰ-ছাত্ৰীয়ে বাঁহৰ দলংখন পাৰাপাৰ হৈ যাব নোৱাৰিব বিদ্যালয়লৈ। পৰীক্ষাত বহিব নোৱাৰিৱ একাংশ শিক্ষাৰ্থী। বাঁহৰ দলংখন ভাঙি যোৱাৰ ফলত যাতায়াত ব্যাহত হৈ পৰে । ঘটনাস্থলীত প্ৰশাসনৰ লোক উপস্থিত হৈছে যদিও বাতৰি লিখা পৰলৈ কোনোধৰণৰ পদক্ষেপ লোৱা হোৱা নাই ।
প্ৰেৰক লৱ কুমাৰ দাস