বিশেষ বাৰ্তা, ২৮ জুনঃ উৎসৱ ভাৰতীয়সকলৰ৷ কিন্তু এই উৎসৱৰ বাবে বন্ধ পাব আমেৰিকাৰ বিদ্যালয়ৰ শিক্ষার্থীসকলেও৷ আমেৰিকাৰ নিউয়র্ক চহৰৰ সকলো বিদ্যালয়ত দীপাৱলীৰ দিনা বন্ধ দিয়া হ’ব বুলি ঘোষণা কৰিছে নিউয়র্কৰ মেয়ৰ এৰিক আদামছে৷ আদামছে সংবাদ মাধ্যমক জনোৱা অনুসৰি, দীপাৱলীৰ দিনটো চৰকাৰী ছুটীৰ দিন হিচাপে গণ্য কৰা হ’ব৷ পোহৰৰ উৎসৱ দীপাৱলীত দীর্ঘদিন ধৰি চামিল হৈ আহিছে আমেৰিকান লোকসকল৷ ভাৰতত পালন কৰা এই উৎসৱ বিগত কেইবাবছৰো ধৰি নিয়মীয়াকৈ হোৱাইট হাউছত পালন কৰি অহা হৈছে৷ বাৰাক অ’বামা, ড’নাল্ড ট্রাম্প, জ’ বাইডেনৰ দৰে আমেৰিকাৰ ৰাষ্ট্রপতিসকল নিজেই উপস্থিত থকাও পৰিলক্ষিত হৈছে এই দীপাৱলীৰ অনুষ্ঠানত৷ কিন্তু এই প্রথমবাৰৰ বাবে দীপাৱলীত আমেৰিকাৰ কোনো চহৰত বিদ্যালয়সমূহত বন্ধ ঘোষণাৰ সিদ্ধান্ত লোৱা পৰিলক্ষিত হ’ল৷