বিশেষ বাৰ্তা, ২৯ জুলাই : গুৱাহাটীৰ মাছখোৱা আই টি এ চেণ্টাৰত ২৫ জুলাইত অনুষ্ঠিত অনুষ্ঠানত 7th Nation Pride Achievers Award 2023 লাভ কৰিবলৈ সক্ষম হৈছে গুৱাহাটীৰ বেলতলা ছাৰ্ভে সমন্বয় পথ নিৱাসী সাগৰিকা শৰ্মাই। টাটা সামাজিক বিজ্ঞান সন্থাৰ পৰা সন্মানসহকাৰে স্নাতকোত্তৰ উপাধি লাভ কৰা সাগৰিকাই বাল্যকালৰে পৰা ছবি আঁকি ভাল পাইছিল আৰু বিভিন্ন প্ৰতিযোগিতাত অংশগ্ৰহণ কৰি পুৰস্কাৰ লাভ কৰিবলৈ সক্ষম হৈছিল। বৰ্তমান সাগৰিকা শৰ্মাই বিদ্যালয় স্থাপন কৰি ছাত্ৰ-ছাত্ৰীসকলক ছবি অঁকাৰ প্ৰশিক্ষণ প্ৰদান কৰি আছে। গুৱাহাটী আৰ্টিষ্ট গীল্ডত সাগৰিকা শৰ্মাই ইমাজিনেৰী কেনভাছৰ লগতে মাজে মাজে প্ৰদৰ্শনী অনুষ্ঠিত কৰি ছবিপ্ৰেমীসকলৰ দৃষ্টি আকৰ্ষণ কৰিবলৈ সক্ষম হৈছে। উল্লেখ্য যে মাছখোৱা আই টি এ চেণ্টাৰত উপস্থিত হৈ বলীউডৰ অভিনেত্ৰী পুনম ধীলনে উক্ত বঁটা প্ৰদান কৰিছিল। ভাৰতীয় ৰে’ল বিভাগৰ অৱসৰপ্ৰাপ্ত উচ্চপদস্থ বিষয়া দীনেশ চন্দ্ৰ শৰ্মা আৰু অৱসৰপ্ৰাপ্ত শিক্ষয়িত্ৰী ৰীতা দেৱীৰ একমাত্ৰ কন্যা সাগৰিকা এগৰাকী মেধাৱী ছাত্ৰী। সাগৰিকাৰ কৃতিত্বত স্থানীয় ৰাইজে আনন্দ প্ৰকাশ কৰাৰ লগতে উত্তৰোত্তৰ উন্নতি কামনা কৰিছে।