নিয়মীয়া বাৰ্তা, ৪ আগষ্ট : যোৱানিশা নগৰবেৰা নদী সংৰক্ষিত বনাঞ্চলিক কাৰ্যালয়ৰ এটা দলে এক অতৰ্কিত অভিযান চলাই বনাঞ্চলিক পাৰ্যালয়ৰ অন্তৰ্গত মহাবীৰ পথাৰ অঞ্চলত চাইফুল ইছলাম নামৰ এজনক নীতি বহিৰ্ভুত কাঠ ফলাৰ বাবে আটক কৰি আজি পুৱাৰ ভাগত ন্যায়িক জিম্মালৈ প্ৰেৰণৰ দিহা কৰা হয়। জানিব পৰা মতে কাঠ ফলাৰ বাবে থকা বিভাগীয় অনুজ্ঞাপত্ৰত থকা ধৰণৰ বিভাগীয় নিয়ম নামানি বন বিভাগৰ হাতত আটক হয় লোকজন।গোপন খৱৰৰ ভিত্তিত বনাঞ্চলিক বিষয়া শিৱাশীষ শাণ্ডিল্যৰ নেতৃত্বত চলিছিল বন বিভাগৰ এই অভিযান।
প্ৰেৰক সঞ্জীৱ কুমাৰ দাস