বিশেষ বাৰ্তা, ৪ আগষ্টঃ অৰ্জুন ভোগেশ্বৰ বৰুৱাক অট’মেটেড হুইল চেয়াৰ উপহাৰ হিচাপে আগবঢ়াইছে নাহৰকটীয়াৰ বিধায়ক তৰংগ গগৈয়ে। বহুদিন ধৰি অসুস্থ হৈ থকাত যথেষ্ট সমস্যাৰ সন্মুখীন হৈছিল অৰ্জুন ভোগেশ্বৰ বৰুৱা। এই কথা অৱগত হোৱাৰ পিছতে তেওঁৰ গুৱাহাটীৰ বেলতলাস্থিত বাসগৃহত উপস্থিত হৈ অট’মেটেড হুইল চেয়াৰ প্ৰদান কৰে বিধায়ক তৰংগ গগৈয়ে। অসম য়ুথ কমিছনাৰৰ অধ্যক্ষ তথা বিধায়ক তৰংগ গগৈয়ে লোৱা এই পদক্ষেপৰ শলাগ লোৱাৰ লগতে বিধায়কগৰাকীক ধন্যবাদ জনায় অৰ্জুন ভোগেশ্বৰ বৰুৱাই। বৰুৱাৰ আৰু কিবা প্ৰয়োজন হ’লে প্ৰদান কৰাৰো আশ্বাস প্ৰদান কৰে বিধায়ক তৰংগ গগৈয়ে। অসুস্থ অৰ্জুন ভোগেশ্বৰ বৰুৱাৰ শীঘ্ৰে আশু-আৰোগ্য কামনা কৰে বিধায়ক তৰংগ গগৈয়ে।