বিশেষ বাৰ্তা, ১৪ আগষ্ট : নিউ বঙাইগাঁও ৰে’লৱে জংচনত সোমবাৰে পুৱা প্রায় ১০.২০ বজাত ২২৫০৪ নম্বৰ কন্যাকুমাৰী বিবেক ছুপাৰফাষ্ট এক্সপ্ৰেছৰ পৰা ৰে’ল আৰক্ষীয়ে অভিযান চলাই বৃহৎ পৰিমাণৰ হেৰ’ইন জব্দ কৰিবলৈ সক্ষম হয় ৷ এক বিশ্বস্ত সূত্রৰ খবৰৰ ভিত্তিত ৰে’ল আৰক্ষীৰ দলে কন্যাকুমাৰী বিবেক ছুপাৰফাষ্ট এক্সপ্ৰেছৰ সাধাৰণ দবাত তালাচী চলাই এখন ক’লা বৰণৰ এয়াৰ বেগ উদ্ধাৰ কৰে ৷ গৰাকীবিহীন ক’লা বৰণৰ বেগত ২০টা চাবোনৰ বাকচত বৃহৎ পৰিমাণৰ হেৰ’ইনখিনি উদ্ধাৰ কৰিবলৈ সক্ষম হয় ৷ ঘটনা সংক্ৰান্তত আৰক্ষীয়ে কাকো আটক কৰিবলৈ সক্ষম হোৱা নাই যদিও তদন্ত অব্যাহত ৰাখিছে ৷
প্ৰেৰক উপানন্দ শৰ্মা