🔹 ইউনাইটেড চিৰাংদুৱাৰ এফ চি ফাইনেলত
নিয়মীয়া বাৰ্তা, ১২ ছেপ্টেম্বৰ : ধুবুৰীৰ স্থানীয় ৰজা প্ৰভাত চন্দ্ৰ খেলপথাৰত শ্যামলা সুন্দৰী আমন্ত্ৰণমূলক ফুটবল প্ৰতিযোগিতাৰ আজিৰ দ্বিতীয়খন ছেমি ফাইনেল ইউনাইটেড চিৰাংদুৱাৰ এফ চি আৰু এ এছ ই বি গুৱাহাটীৰ মাজত অনুষ্ঠিত হয়। নিৰ্ধাৰিত সময়ত খেলখন গ’লশূন্যভাৱে সমাপ্ত হোৱাৰ পিছত অনুষ্ঠিত হয় টাইব্ৰেকাৰ। টাইব্ৰেকাৰত ৩-১ গ’লত এ এছ ই বি গুৱাহাটীক পৰাস্ত কৰি ইউনাইটেড চিৰাংদুৱাৰ এফ চিয়ে প্ৰতিযোগিতাখনৰ ফাইনেলত প্ৰৱেশ কৰে। অহা বৃহস্পতিবাৰে হ’বলগীয়া ফাইনেল খেলখনত ইউনাইটেড চিৰাংদুৱাৰ এফ চিয়ে অইল এফ চি দুলীয়াজানৰ সন্মুখীন হ’ব।
প্ৰেৰক অমিতাভ চক্ৰৱৰ্তী