🔹 ইজৰাইলত পেলেষ্টাইনী সন্ত্রাসবাদীৰ বর্বৰতাক লৈ চাঞ্চল্য
বিশেষ বাৰ্তা, ৯ অক্টোবৰ : এগৰাকী জার্মান মহিলাৰ ক্ষত–বিক্ষত নগ্ন দেহ লৈ ইজৰাইলৰ পথত ঘূৰি ফুৰা দেখা গ’ল হামাছ সন্ত্রাসবাদীক৷ লক্ষণীয় যে হামাছে দাবী কৰা অনুসৰি এই মহিলাগৰাকী ইজৰাইলী সেনাৰ সদস্য৷ এই ঘটনাৰ ভিডিঅ’ পোহৰলৈ অহাৰ লগে লগে বিশ্বজুৰি সৃষ্টি হৈছে চাঞ্চল্য৷ মহিলাগৰাকীৰ নগ্ন দেহ এখন পিকআপ ভানত ৰখা আছিল৷ হামাছ সন্ত্রাসবাদীৰ সেই গাড়ীখনৰ পাছফালে লৈ গৈছে অন্য এদল মানুহ৷ হামাছৰ কবলত পৰা এই লোকসকলে আর্ত চিৎকাৰ কৰা দেখিবলৈ পোৱা গৈছে ভিডিঅ’টোত৷ একাংশ হামাছ সদস্যই মৃত মহিলাগৰাকীৰ নগ্ন দেহৰ ওপৰত ঘৃণাৰে থুৱাই দিয়া দেখিবলৈ পোৱা গৈছে৷ উল্লেখ্য যে ইজৰাইলত আক্রমণ চলাই বহু মানুহক অপহৰণ কৰি নিছে হামাছে৷ এই জার্মান মহিলাগৰাকীকো হামাছে অপহৰণ কৰিছিল৷ পৰহি ইজৰাইলত এক উৎসৱত যোগদান কৰিছিল ছানি লুক নামৰ মহিলাগৰাকীয়ে৷