নিয়মীয়া বাৰ্তা ১৭ জানুৱাৰীঃ ভাৰতীয় মহাকাশ গৱেষণা সংস্থাৰ অধ্যক্ষ ড০ শ্ৰীধৰ পাণিকাৰ সোমনাথক চন্দ্ৰযান-৩ অভিযানৰ সফলতাৰ বাবে গুৱাহাটীৰ শ্ৰীমন্ত শংকৰদেৱ আন্তঃৰাষ্ট্ৰীয় প্ৰেক্ষাগৃহত আয়োজিত এক কাৰ্যসূচীত প্ৰাগজ্যোতিষপুৰ বিশ্ববিদ্যালয়ে সম্বৰ্ধনা জনায়। এগৰাকী আন্তৰ্জাতিক খ্যাতিসম্পন্ন বিজ্ঞানী ড০ সোমনাথে চন্দ্ৰযান-৩ অভিযানৰ বৈজ্ঞানিক দলটোক নেতৃত্ব দিছিল। ২০২৩ চনৰ সফল চন্দ্ৰযান-৩ অভিযানৰ আঁৰত থকা বিজ্ঞানী আৰু অভিযন্তাসকলৰ যি চন্দ্ৰৰ দক্ষিণ মেৰুত উপনীত হোৱা প্ৰথম খন দেশ হৈ ভাৰতক ইতিহাস ৰচনা কৰাত সহায় কৰিছিল। ২০২৩ চনৰ ছেপ্টেম্বৰমাহত তেখেত আৰু তেখেতৰ দলটোৱে সূৰ্যলৈ ভাৰতৰ প্ৰথম পৰ্যৱেক্ষণ অভিযান আদিত্য-এল১ সফলতাৰে উৎক্ষেপণ কৰি মহাকাশ বিজ্ঞান জগতত ভাৰতক এক শক্তিৰূপত দাঙি কৰে। আজি শিল্পী দিৱসৰ দিনটোতে আয়োজিত অনুষ্ঠানৰ আৰম্ভণিতেই মহান শিল্পী জ্যোতি প্ৰসাদ আগৰৱালাৰ প্ৰতিচ্ছবিত মাল্যদান কৰি অসমৰ বিভিন্ন প্ৰান্তৰ পৰা অহা ছাত্ৰ ছাত্ৰীৰে বাৰ্তালাপ মুকলি কৰা হয়। ইয়াৰ পিছতে শিক্ষাৰ্থীসকলে মহাকাশ অন্বেষণত ভাৰতৰ সাহসী প্ৰৱেশৰ বিষয়ে ড০ সোমনাথৰ সৈতে মত-বিনিময় কৰে ।ইছৰ’ৰ অধ্যক্ষ গৰাকীয়ে জ্ঞানেই শক্তি বুলি অভিহিত কৰে। তেখেতে কয় যে এখন ৰাষ্ট্ৰই ইয়াৰ নাগৰিকসকলক উচ্চ মানদণ্ডৰ জীৱন ধাৰণ কৰিবলৈ সক্ষম হ’বলৈ শক্তিশালী হ’ব লাগিব। কৃত্ৰিম বুদ্ধিমত্তা বিপ্লৱৰ কথা উল্লেখ কৰি তেওঁ উল্লেখ কৰে যে আজি এ.আই.ৰ দ্বাৰা পৰিচালিত পৃথিৱীখনত সামাজিক সংবেদনশীলতাৰ সৈতে আপোচ কৰিব নালাগে। আন এটা প্ৰশ্নৰ উত্তৰত বিফলতা আৰু নিৰাশক প্ৰশ্ৰয় দিব নালাগে বুলি কয়। আমাৰ ওচৰত যি আছে তাৰ বাবে কৃতজ্ঞ হৈ আৰু সেই কৃতজ্ঞতাৰে কাম কৰিবলৈ শিকিবলৈ, আমাক অতিৰিক্ত অনুপ্ৰেৰণাৰ প্ৰয়োজন নাই। শক্তি-পূজা সেইবাবেই ইছৰ’ই সদায় দলীয় ভাবে কাম কৰে, যাতে ভুল হোৱাৰ অৱকাশ নাথাকে। আজিৰ গাম্ভীৰ্যপূৰ্ণ কাৰ্যসূচীত প্ৰাগজ্যোতিষপুৰ বিশ্ববিদ্যালয়ৰ উপাচাৰ্য অধ্যাপক প্ৰদীপ কুমাৰ যোশী; বিশ্ববিদ্যালয়খনৰ উপাচাৰ্য অধ্যাপক স্মৃতি কুমাৰ সিনহা, বিশ্ববিদ্যালয়ৰ পঞ্জীয়ক, অধ্যাপক যোগেশ কাকতি; আয়োজক সমিতিৰ সভাপতি অধ্যাপক পৰিমল চন্দ্ৰ ভট্টাচাৰ্য; আৰু অসম চৰকাৰৰ শিক্ষা উপদেষ্টা অধ্যাপক ড০ ননী গোপাল মহন্তই বক্তব্য আগবঢ়ায়।
প্ৰেৰক হীৰকজ্যোতি ডেকা