নিয়মীয়া বাৰ্তা, ২৯ জানুৱাৰীঃ ধুবুৰীৰ সমীপৱৰ্তী দুটাকৈ দুৰ্গম চৰাঞ্চলত আজি পুৱতিনিশা অভিযান চলাই সীমান্ত সুৰক্ষা বাহিনী (বিএছএফ)ৰ এটি দলে বাংলাদেশলৈ সৰবৰাহৰ বাবে অনা ১৮টাকৈ গো-ধন উদ্ধাৰ কৰে। ঘটনা সন্দৰ্ভত জানিব পৰা মতে, ৪৯ বিএন বিএছএফৰ এটি টহলদাৰী দলে ভাৰত বাংলাদেশ সীমান্তৱৰ্তী মহামায়া চৰ আৰু কালাইচৰবাৰী নামৰ দুটা চৰাঞ্চলত চলোৱা অভিযানত উদ্ধাৰ হৈছে গৰুকেইটা। অৱশ্যে ডাঠ কুঁৱলীৰ সুযোগ লৈ বিএছএফৰ দলটোৰ বেহু ফালি পলাবলৈ সক্ষম হয় গো-সৰবৰাহকাৰীৰ দলটো।
প্ৰেৰক অমিতাভ চক্ৰৱৰ্তী