বিশেষ বাৰ্তা, ২ ফেব্রুৱাৰী : আফ্রিকান ৰাষ্ট্র কেনিয়াৰ ৰাজধানী চহৰ নাইৰোবিত ভয়াৱহ গেছ বিস্ফোৰণত তিনিগৰাকী লোক নিহত হোৱাৰ উপৰি প্রায় ৩০০জন আহত হৈছে৷ গেছৰ চিলিণ্ডাৰ কঢ়িয়াই নিয়া ট্রাক এখনত বিস্ফোৰণ সংঘটিত হোৱাৰ লগে লগে বৃহৎ অঞ্চল এটাত সৃষ্টি হয় অগ্ণিকাণ্ড৷ এই অগ্ণিকাণ্ডৰ ফলত সমীপৱর্তী বাসগৃহ, বাণিজ্যিক প্রতিষ্ঠান তথা বহু যান-বাহন ধ্বংস হয়৷ চৰকাৰী সূত্রই সদৰী কৰা অনুসৰি, গেছ প্লেণ্টতে ট্রাকখনত বিস্ফোৰণ সংঘটিত হয়৷ এই ঘটনাত নিহত লোকৰ সংখ্যা বৃদ্ধি পোৱাৰ আশংকা আছে বুলি বিবিচিৰ সূত্রই সদৰী কৰিছে৷