🔹 বিলাসীপাৰা ৰাজীৱ ভৱনত ৰকিবুল হুছেইনৰ বিৰুদ্ধে পোষ্টাৰিং
নিয়মীয়া বাৰ্তা, ১৫ ফেব্ৰুৱাৰী : সমাগত লোকসভা নিৰ্বাচন। বিভিন্ন ৰাজনৈতিক দলে লোকসভা নিৰ্বাচনক লৈ তৎপৰতা অব্য়াহত ৰখাৰ সময়ত কংগ্ৰেছ দলটোত সংঘটিত ভিন্ন অথন্তৰে দলটোক লৈ তৃণমূলৰ কংগ্ৰেছ কৰ্মীসকল সন্দিহান হৈ পৰিছে। বিভিন্নজন নেতাই কংগ্ৰেছ এৰি বিজেপিত যোগদান কৰাৰ সমান্তৰালকৈ কংগ্ৰেছত থাকিয়ে মুকলিকৈ বিজেপিক সমৰ্থন কৰাও পৰিলক্ষিত হৈছে। ইয়াৰ মাজতে কালি নিশা বিলাসীপাৰা ৰাজীৱ ভৱনত ৰকিবুল হুছেইনৰ বিৰুদ্ধে পোষ্টাৰিং কৰা পৰিলক্ষিত হৈছে। ‘ৰকিবুল হুছেইন মুৰ্দাবাদ’, ‘ৰকিবুল হুছেইন হটাও কংগ্ৰেছ বচাও’, ‘বিজেপিৰ দালাল ৰকিবুল হুছেইন হুচিয়াৰ’ আদি শ্লোগান সম্বলিত পোষ্টাৰ আঁৰি দিয়ে বিলাসীপাৰা ৰাজীৱ ভৱনত । ৰকিবুল হুছেইনৰ বিৰুদ্ধে এনে পোষ্টাৰে তীব্ৰ প্ৰতিক্ৰিয়াৰ সৃষ্টি কৰিছে বিলাসীপাৰাত।
প্ৰেৰক সমৰেশ শীল