বিশেষ বাৰ্তা, ২১ ফেব্রুৱাৰী : বিনা প্রতিদ্বন্দ্বিতাৰে ৰাজ্যসভালৈ নির্বাচিত হৈছে কংগ্রেছৰ প্রাক্তন সভানেত্রী ছোনিয়া গান্ধী আৰু বিজেপিৰ ৰাষ্ট্রীয় সভাপতি জে পি নাড্ডা৷ জীৱনত প্রথমবাৰলৈ ৰাজ্যসভাৰ নির্বাচনত অৱতীর্ণ হৈ ৰাজস্থানৰ পৰা বিনা প্রতিদ্বন্দ্বিতাৰে জয়লাভ কৰে ছোনিয়া গান্ধীয়ে৷ ইফালে, ৰাজস্থানৰ পৰা বিজেপিৰ ছুন্নিলাল গার্ছিয়া আৰু মদন ৰাথোড়ো বিনা প্রতিদ্বন্দ্বিতাৰে নির্বাচিত হৈছে৷ গুজৰাটৰ পৰা বিনা প্রতিদ্বন্দ্বিতাৰে ৰাজ্যসভালৈ নির্বাচিত হয় বিজেপিৰ ৰাষ্ট্রীয় সভাপতি জে পি নাড্ডা৷ ৰাজ্যসভাৰ পৰা বিৰোধীৰ প্রতিদ্বন্দ্বিতা অবিহনে ৪গৰাকী বিজেপি প্রার্থীয়ে জয়লাভ কৰিছে৷ নাড্ডাৰ উপৰি গোবিন্দ ভাই ঢোলাকিয়া, মায়ংক ভাই নায়েক আৰু যশোৱন্ত সিং পার্মাৰেও ৰাজ্যসভালৈ বিনা প্রতিদ্বন্দ্বিতাৰে জয়লাভ কৰিছে৷