নিয়মীয়া বাৰ্তা, ৬ মাৰ্চ : বিগত বছৰবোৰৰ দৰে এইবেলিও ১, ২ আৰু ২৫ বহাগত (ইং ১৫, ১৬ এপ্ৰিল আৰু ৮ মে’ ২০২৪) তিনিদিনীয়া বৰ্ণিল কাৰ্যসূচীৰে অনুষ্ঠিত হব চাংসাৰি আঞ্চলিক ৰঙালী বিহু সন্মিলনী। চাংসাৰি খেলপথাৰত ৬৫তম বৰ্ষ হিচাপে আয়োজিত ৰঙালী বিহু সন্মিলনখন নিয়াৰিকৈ পৰিচালনাৰ বাবে ইতিমধ্যে অঞ্চলটোৰ বিশিষ্ট ব্যক্তি তথা অৱসৰী শিক্ষক গোবিন্দ নাথক সভাপতি, বিপুল নাথক কাৰ্যকৰী সভাপতি, বিতু নাথক সম্পাদক হিচাপে উদযাপন সমিতিখন গঠন কৰা হৈছে। তেওঁলোকে জানিবলৈ দিয়া মতে, ১ বহাগত মুকলি বিহু, ২ বহাগত মাৰাথন দৌৰ প্ৰতিযোগিতা অনুষ্ঠিত হব। প্ৰতিযোগিতাৰ প্ৰথম পুৰস্কাৰ ১০,০০১ টকা, দ্বিতীয় পুৰস্কাৰ ৭০০১ টকা ,তৃতীয় পুৰস্কাৰ ৫০০১ টকা, চতুৰ্থ পুৰস্কাৰ ৩০০১ টকা আৰু পঞ্চম পুৰস্কাৰ ২০০১ টকা থাকিব। ২৫ বহাগ (৮ মে) সাংস্কৃতিক সন্ধিয়াৰ অনুষ্ঠানৰ মুখ্য আকৰ্ষণ থাকিব চৰাইদেউ বিহু হুঁচৰি দল, তেজপুৰ থেছপিয়ান আৰু অংগৰাগ পাপন মহন্তৰ সংগীতানুষ্ঠান। আনহাতে ৰঙালী বিহুৰ লগত সংগতি ৰাখি ৰঙালী নামেৰে এখন স্মৰণিকাও প্ৰকাশ কৰা হব। যোগাযোগ নম্বৰ : ৮৭২০৯৬৪৫৯৭ , ৮০১১৭৩৪৪৯২ ,৭৬৩৫৯৭২৫৫৫ ।
প্ৰেৰক অনুভৱ কুমাৰ