🔹 ঢেকীয়াজুলিত ঘৰে ঘৰে গৈ আনুষ্ঠানিকভাৱে আশীৰ্বাদ যাত্ৰাৰ শুভাৰম্ভণি
বিশেষ বাৰ্তা, ২০ মাৰ্চ : ঢেকীয়াজুলি বিধানসভা সমষ্টিত ৰাইজৰ ঘৰে ঘৰে গৈ আনুষ্ঠানিকভাৱে আশীৰ্বাদ যাত্ৰাৰ শুভাৰম্ভণি কৰি নিৰ্বাচনী প্ৰচাৰ চলালে স্থানীয় বিধায়ক তথা মন্ত্ৰী অশোক সিংহলে। প্ৰত্যেকগৰাকী পৃষ্ঠাপ্ৰমুখৰ ঘৰে ঘৰে গৈ বিজেপিৰ পতাকা লগাই নিৰ্বাচনী প্ৰচাৰ চলালে অসম চৰকাৰৰ মন্ত্ৰীগৰাকীয়ে ৷ সংবাদ মাধ্যমত মন্ত্ৰীগৰাকীয়ে কয়- তেওঁ নিজেই যিহেতু পৃষ্ঠাপ্ৰমুখ, গতিকে ৰাইজৰ ঘৰে ঘৰে গৈ আশীৰ্বাদ ল’ব, প্ৰধানমন্ত্ৰী মোদীৰ সফলতাৰ খতিয়ান সম্পৰ্কে জনাব। প্ৰধানমন্ত্ৰীৰ বাবে আশীৰ্বাদ বিচাৰি ঘৰে ঘৰে বিজেপিৰ পতাকা লগাব । মন্ত্ৰী অশোক সিংহলে লগতে মন্তব্য কৰে যে যোৰহাটত গৌৰৱ গগৈ ফেক্টৰ নহয় ৷ তাত বিজেপি মিত্ৰজোঁটৰ প্ৰাৰ্থী তপন গগৈয়েই জিকিব ৷ প্ৰধানমন্ত্ৰী মোদীৰ প্ৰতি ৰাইজৰ যি বিশ্বাস, আস্থা, ভক্তি আছে, সেয়ে লোকসভা নিৰ্বাচনত এইবাৰ দেশত ৪০০ৰো অধিক আসন লাভ কৰিব আৰু অসমত ১২খন আসন লাভ কৰি বিজেপি মিত্ৰজোঁটে বিপুল সংখ্যাগৰিষ্ঠতাৰে জয়লাভ কৰিব ।
প্ৰেৰক কল্পজ্যোতি নাথ