🎯ড° হিমন্ত বিশ্ব শৰ্মাক শক্তি প্ৰদান কৰিবলৈ মিত্ৰজোঁটক হাতীৰ ছবিত ভোট দিয়াৰ আহ্বান
বিশেষ বাৰ্তা, ১ মে’ : বৰপেটা লোকসভা সমষ্টিৰ অধীনস্থ হাজো-শুৱালকুছি বিধানসভা সমষ্টিৰ অন্তৰ্গত গন্ধমৌত আজি এক নিৰ্বাচনী প্ৰচাৰ সভাত ভাগ লৈ মুখ্যমন্ত্ৰীৰ সহধৰ্মিণী ৰিণিকি ভূঞা শৰ্মাই বিজেপি মিত্ৰজোঁট অগপৰ প্ৰাৰ্থী ফণীভূষণ চৌধুৰীক ৭ মেত হাতীৰ ছবিত ভোট দিবলৈ সকলোকে আহ্বান জনায় ৷ তেওঁ বিগত ২৩ বছৰত জালুকবাৰী সমষ্টিটোত ড° হিমন্ত বিশ্ব শৰ্মাই কিদৰে উন্নয়নৰ শিখৰলৈ আগবঢ়াই নিছে তাক উল্লেখ কৰি কয় যে আজি অসমত সকলোৱে নিৰাপদে থাকিব পৰা পৰিৱেশ এটাৰ সৃষ্টি হৈছে৷ অসমত আজি গভীৰ নিশালৈ পুৰুষ মহিলা সকলোৱে নিৰ্বিঘ্নে ঘুৰি ফুৰিব পৰা হৈছে৷ মহিলাসকলক বিভিন্ন আঁচনিত জড়িত কৰি স্বাৱলম্বিতাৰ পথ দিছে৷ অৰুণোদয় আঁচনিয়ে মহিলাসকলক এক অৰ্থনৈতিক সকাহ দিছে ৷ লাখপতি বাইদেউ আঁচনিৰ জৰিয়তে শ শ মহিলাক উদ্ধুত কৰিছে৷ মুখ্যমন্ত্ৰী ড° হিমন্ত বিশ্ব শৰ্মাৰ অসমখনক সৰ্বদিশতে উন্নয়নৰ শীৰ্ষলৈ নিয়াৰ সপোন আছে৷ আপোনালোকে সহযোগিতা কৰিলে নিশ্চয়কৈ মুখ্যমন্ত্ৰীৰ সপোন বাস্তবায়িত হব৷ ইফালে নৰেন্দ্ৰ মোদী তৃতীয়বাৰৰ বাবে ভাৰতবৰ্ষৰ প্ৰধানমন্ত্ৰী হবলৈ গৈ আছে৷ অসমৰ ৰাইজে সহযোগিতা কৰিব লাগিব৷ ভাৰতবৰ্ষখন এখন উন্নয়নশীল দেশলৈ ৰূপান্তৰ কৰিবলৈ হলে নৰেন্দ্ৰ মোদীক ভোট দিব লাগিব৷ আপোনালোকে হাতীৰ ছবিত ভোট দিলেই নৰেন্দ্ৰ মোদীক দিয়াৰ লেখিয়া হব৷ সেয়েহে ভোটৰ দিনটোত সকলোৱে ওলাই আহি সৰ্বাধিক ভোটত মিত্ৰজোঁটৰ প্ৰাৰ্থীগৰাকীক ভোট প্ৰদান কৰিব বুলি আশা ৰাখিলোঁ৷ তেওঁ পুনৰ কয় যে আপোনালোকে মনত ৰাখিব ড° হিমন্ত বিশ্ব শৰ্মা আপোনালোকৰ লগত সদায় থাকিব৷ নিৰ্বাচনী সভাত ৰাজ্যিক কৃষাণ মৰ্চাৰ সম্পাদক ৰঞ্জিত ভট্টাচাৰ্যই উপস্থিত থাকি হাতীৰ ছবিত ভোট দি মুখ্যমন্ত্ৰী ড°হিমন্ত বিশ্ব শৰ্মাৰ হাত শক্তিশালী কৰিবলৈ ভোটাৰ ৰাইজক আহ্বান জনায় ৷ সভাত হাজো-শুৱালকুছি বিধানসভা সমষ্টিৰ প্ৰভাৰী জুৰি শৰ্মা বৰদলৈ, বিজেপিৰ শুৱালকুছি মণ্ডলৰ সভাপতি ধীৰাজ মহন্ত প্ৰমুখ্যে কেইবাজনো বিশিষ্ট উপস্থিত থাকে ৷
প্ৰেৰক দিলীপ মেধি