নিয়মীয়া বাৰ্তা, ১ মাৰ্চঃ গুৱাহাটীক দ্বিতীয় গৃহ চহৰ হিচাপে গণ্য কৰা ৰাজস্থান ৰয়েলছে অসমৰ চাৰিগৰাকী প্রতিভাৱান ক্রিকেটাৰক তেওঁলোকৰ একাডেমীলৈ আমন্ত্রণ জনাইছে৷ অসম ক্রিকেট সন্থাই প্রকাশ কৰা অনুসৰি এই খেলুৱৈকেইগৰাকীয়ে ৰাজস্থান ৰয়েলছৰ খেলুৱৈৰ সৈতে অনুশীলনত ভাগ ল’ব৷ আই পি এলৰ দলটোৰ সৈতে অনুশীলনৰ সুযোগ লাভ কৰা অসমৰ খেলুৱৈকেইগৰাকী হ’ল– ৰাহুল সিং, মৃণ্ময় দত্ত, কালাম ৰাইজা আৰু জিতুমণি কলিতা৷ তেওঁলোকে ৰাজস্থান ৰয়েলছৰ নাগপুৰ একাডেমীত দলটোৰ খেলুৱৈসকলৰ সৈতে অনুশীলনত অংশ ল’ব৷