বহুদিন কেমেৰাৰ সন্মুখৰ পৰা আঁতৰি থকা শ্বাহৰুখ খানৰ নতুন ছবি চিত্রগৃহলৈ আহিব৷ বলীউডৰ বাদশ্বাহজনে চিন্তা কৰিছে যে আগন্তুক ছবিখন নিশ্চয় হিট হ’ব৷ কাৰণ বহুদিনৰ মূৰত দর্শকে শ্বাহৰুখক ৰূপালী পর্দাত দেখা পাব৷ ৰাজকুমাৰ হিৰাণীৰ এই ছবিখনে দর্শকৰ পৰা সঁহাৰি লাভ কৰিব বুলি ভাবে শ্বাহৰুখ খানে৷ আনকি শ্বাহৰুখেও ৰাজকুমাৰ হিৰাণীক প্রতিশ্রুতি দিছে যে বহুদিনৰ মূৰত যিহেতু তেওঁ ৰূপালী পর্দাত দেখা দিব, গতিকে দর্শকে নিশ্চয় সেই ছবিখন আদৰি ল’ব৷
উল্লেখ্য যে ৰাজকুমাৰ হিৰাণীয়ে থ্রী ইডিয়টছ, পিকে, মুন্না ভাইৰ দৰে ব্লকবাষ্টাৰ ছবি দর্শকক উপহাৰ দিছে৷ শ্বাহৰুখৰো ইচ্ছা আছিল ৰাজকুমাৰ হিৰাণীৰ ছবিত কাম কৰাৰ৷ আনকি ৰাজকুমাৰ হিৰাণীয়ে মুন্না ভাই ছিৰিজৰ আনখন ছবিত অভিনয়ৰ বাবে শ্বাহৰুখকক অফাৰো দিছিল৷ কিন্তু তেতিয়া কিং খান অন্য ছবিত অভিনয়ত ব্যস্ত হৈ আছিল৷ সেইবাবে তেওঁ ৰাজকুমাৰ হিৰাণীৰ ছবিত অভিনয় কৰিব পৰা নাছিল৷ এতিয়া শ্বাহৰুখৰ হিৰাণীৰ কথা মনত পৰিল তেওঁৰ ছবিত অভিনয়ৰ বাবে ইচ্ছা প্রকাশ কৰিলে৷ হিৰাণীয়ে এতিয়ালৈ সকলো ছবি বিধু বিনোদ চোপ্রাৰ বাবে নির্মাণ কৰিছে৷ নির্মাণ হ’ব লগা ছবিখনৰ নায়িকাৰ নাম এইপর্যন্ত নিশ্চিত হোৱা নাই যদিও শ্বাহৰুখৰ বহু সফল ছবিৰ নায়িকা কাজলৰ লগতে তাৰকা নায়িকা কৰীণাৰ নাম চর্চালৈ আহিছে৷