নিয়মীয়া বাৰ্তা ২ মাৰ্চঃ লৰুৱা বিলত দেওবাৰে মাছমৰীয়াৰ জালত এবিধ বিৰল মাছ উদ্ধাৰ হয়৷ ডিব্রুগড় জিলাৰ বৰবৰুৱা আৰক্ষী থানাৰ অন্তর্গত ২নং চৰাইহাবি গাঁও নিৱাসী গোপন হাজৰিকা নামৰ ব্যক্তিজনে বগীবিলৰ সমীপৰ লৰুৱা বিলত মাছ ধৰিবলৈ জাল পেলাওঁতে এই বিৰল প্রজাতিৰ মাছটো ধৰা পৰে৷ অঞ্চলটোৰ বহু লোকে মাছটো চাবলৈ হাজৰিকাৰ ঘৰত ভিৰ কৰা পৰিলক্ষিত হয়৷ পিছত বিৰল প্রজাতিৰ মাছটো গোপন হাজৰিকাই পুনৰ লুৰুৱা বিলত মেলি দিয়ে বুলি জানিবলৈ দিছে৷