নিয়মীয়া বাৰ্তা, ২৯ মে’ : ৰূপহীহাটৰ মাগুৰমাৰীৰ এজন যুৱক বহিঃৰাজ্য কেৰালাত কাম কৰিবলৈ গৈ সন্ধানহীন হৈ পৰা ঘটনাই অঞ্চলজুৰি তীব্ৰ চাঞ্চল্যৰ সৃষ্টি কৰিছে ৷ সন্ধানহীন হোৱা যুৱকজন মাগুৰমাৰীৰ আলী হুছেইন ৷ পৰিয়ালৰ লোকে জানিবলৈ দিয়া মতে যোৱা ৯ মে’ত ৮০৮৯৭৩৭৪৩৭ নম্বৰৰ পৰা আলী হুছেইনৰ ঘৰত ফোন কৰি ধন দাবী কৰিছিল ৷ দাবী কৰা ধন নিদিয়াৰ পিছৰ পৰাই আলী হুছেইন সন্ধানহীন হৈ আছে ৷ যাৰ বাবে চিন্তিত হৈ পৰিছে পৰিয়ালটো ৷ পৰিয়ালৰ লোকে আত্মীয়-স্বজনৰ ঘৰত বিচাৰ-খোঁচাৰ কৰিও কোনো সন্ধান উলিয়াব পৰা নাই ৷ ঘটনা সন্দৰ্ভত পৰিয়ালৰ লোকে কাৱৈমাৰী আৰক্ষী পহৰা চকীত এটা গোচৰ তৰিছে ৷ কোনো সদাশয় ব্যাক্তিয়ে যদি আলী হুছেইনৰ কিবা সন্ধান লাভ কৰে তেনেহলে ৯০৮৫০১৪৭৫৮ নম্বৰত বা কাৱৈমাৰী আৰক্ষীৰ লগত যোগাযোগ কৰিবলৈ পৰিয়ালৰ লোকে কাতৰ আহ্বান জনাইছে ৷
প্ৰেৰক জহিৰুল ইছলাম