নিয়মীয়া বাৰ্তা, ২৯ মে’ : কামৰূপ জিলাৰ ছয়গাঁও আৰক্ষীৰ ড্ৰাগছৰ বিৰুদ্ধে মাৰাথান অভিযান অব্যাহত আছে । এই অভিযান অব্যাহত থকাৰ সময়তে ছয়গাঁও আৰক্ষী থানাৰ ভাৰপ্ৰাপ্ত আৰক্ষী বিষয়া ভাস্কৰমল্ল পাটোৱাৰীৰ এক গোপন খবৰৰ ভিত্তিত ছয়গাঁৱৰ মাজগুমিত যোৱানিশা অভিযান চলাই হেৰ’ইনভৰ্তি চাবোনৰ দুটা বাকচ, এক পেকেট প্লাষ্টিকৰ কন্টেইনাৰসহ দুজন ড্ৰাগছ সৰবৰাহকাৰীক আটক কৰিবলৈ সক্ষম হয় । আটকাধীন সৰবৰাহকাৰী দুজন হ’ল ছয়গাঁৱৰ মাজগুমিৰ চালমন আলী আৰু চাবৰ আলী । আনহাতে, উক্ত নিশাই এক গোপন খবৰৰ ভিত্তিত ছয়গাঁও আৰক্ষী থানাৰ ভাৰপ্ৰাপ্ত আৰক্ষী বিষয়া ভাস্কৰমল্ল পাটোৱাৰীয়ে ড্ৰাগছৰ বিৰুদ্ধে জোৰশিমুলীত অভিযান চলাই এটা চাবোনৰ বাকচত এক পেকেট হেৰ’ইনসহ এজন ড্ৰাগছ সৰবৰাহকাৰী আটক কৰিবলৈ সক্ষম হয় । আটকাধীন সৰবৰাহকাৰীজন হ’ল জোৰশিমুলীৰ ছফিকুল ইছলাম । ঘটনা সন্দৰ্ভত ছয়গাঁও আৰক্ষীৰ তদন্ত অব্যাহত আছে ।
প্ৰেৰক বিশ্বজিৎ কলিতা