নিয়মীয়া বাৰ্তা, ৭ মার্চঃ দেশৰ ৰাজধানী নতুন দিল্লীত চান্দবাগ অঞ্চলত আৰক্ষীক আক্রমণ কৰা দুষ্কৃতিকাৰীক চিনাক্ত কৰিছে আৰক্ষীৰ অপৰাধ শাখাই ৷ আৰক্ষীয়ে চিনাক্ত কৰা এই দুষ্কৃতিকাৰীক শীঘ্রে গ্রেপ্তাৰ কৰা হ’ব বুলি প্রশাসনে সদৰী কৰিছে ৷ উল্লেখনীয় যে আৰক্ষীৰ বিৰুদ্ধে সংঘটিত আক্রমণৰ ঘটনাত এগৰাকী হেড কনিষ্টবল নিহত হোৱাৰ উপৰি অন্য দুজন আৰক্ষী কর্মী গুৰুতৰভাৱে আহত হৈছে ৷ দিল্লী আৰক্ষীৰ তৰফৰ পৰা কেইবাটাও দুষ্কৃতিকাৰীক চিনাক্ত কৰা বুলি ঘোষণা কৰা হৈছে যদিও গড়কাপ্টানী বিভাগে এতিয়াও আৰক্ষীক চিচি টিভিৰ ফুটেজ দিয়া না ই৷ তথাপি আৰক্ষীয়ে এই সংঘর্ষত জড়িত থকা কেইবাটাও দুষ্কৃতিকাৰীক চিনাক্ত কৰাৰ উপৰি আগন্তুক ২৪ ঘণ্টাৰ ভিতৰত কেইবাজনকো গ্রেপ্তাৰ কৰা হ’ব বুলি ঘোষণা কৰিছে ৷