বিশেষ বাৰ্তা, ১ নৱেম্বৰ : বৰ্তমান ট্ৰেডিঙৰ জৰিয়তে প্ৰৱঞ্চকৰ হাতত বহু সাধাৰণ জনতাই হেৰুৱাইছে লাখ লাখ টকা, কিন্তু তেনে সময়তে তিনিচুকীয়াত দেখা গ’ল এক বিপৰীত দৃশ্য। তিনিচুকীয়া জিলাৰ মাৰ্ঘেৰিটাৰ এগৰাকী মহিলাই প্ৰায় ১৮ হাজাৰ টকা খৰচ কৰি লাভ কৰিলে ১০ লাখ টকা। সেয়া কিছু আচৰিত লাগিলেও আচলতে সেয়াই সঁচা। সৌভাগ্য উদয় হ’ল মহিলাগৰাকীৰ৷ তিনিচুকীয়া জিলাৰ ডুমডুমাৰ নিশান্ত মবাইল আৰু ইলেক্ট্ৰনিকচ্ৰ পৰা ধনতেৰাজৰ উপলক্ষে মাৰ্ঘেৰিটাৰ মমতা শ্বাহ নামৰ এগৰাকী মহিলাই প্ৰায় ১৮ হাজাৰ টকাৰে OPPO A3Pro মবাইল এটা ক্ৰয় কৰিছিল আৰু তাতেই কপাল ফুলিল মহিলাগৰাকীৰ । পূজা আৰু দীপাৱলী উদযাপন কৰাৰ উপলক্ষে অপ’ ইণ্ডিয়াই গ্ৰাহকসকললৈ ঘোষণা কৰিছিল কিছু উপহাৰ আৰু সেইমৰ্মে মাৰ্ঘেৰিটাৰ মমতা শ্বাহে লাভ কৰে অপ’ মবাইল ক্ৰয় কৰি ১০ লাখ টকাৰ বিশেষ উপহাৰ। উপহাৰ লাভ কৰি নিজকে আচৰিত হোৱাৰ লগতে এতিয়াও বিশ্বাস হোৱা নাই বুলি মন্তব্য কৰে। পৰৱৰ্তী দিনটোত ৰাজ্যখনৰ এক বৃহৎ মবাইলৰ বজাৰ তিনিচুকীয়াৰ টি ডি এ মাৰ্কেটত OPPO Assam & NE (Keteki Mobile Trading Pvt Ltd) ৰ উদ্যোগত এটা অনুষ্ঠান আয়োজন কৰি গ্ৰাহক মমতা শ্বাহক এখন ফুলাম গামোছা, এটা ফুলৰ থোপা শুভেচ্ছা জ্ঞাপন কৰাৰ লগতে ১০ টকাৰ চেক্খন প্ৰদান কৰা হয়৷ উক্ত অনুষ্ঠানত তিনিচুকীয়া জিলাখনৰ OPPO Distributor অশোক কুমাৰ জৈন , প্ৰতিষ্ঠানখনৰ স্বত্বাধিকাৰী হাৰ্দিক জৈন, আলতাফ আলম আৰু এৰিয়া চেলছ মেনেজাৰ ৰবী কুমাৰ ঠাকুৰৰ লগতে মাজিদ আখতাৰ (মিকী) আৰু অপ’ টিম উপস্থিত থাকে৷
প্ৰেৰক বিবেক বড়া