নিয়মীয়া বাৰ্তা, ২ নৱেম্বৰ : দেশমাতৃৰ সেৱাত প্ৰাণ আহুতি দিয়া চিআৰপিএফৰ ১২৯নং বেটেলিয়নৰ শ্বহীদ হাবিলদাৰ সহদেৱ চন্দ্ৰ ৰায়ৰ ১৭তম মৃত্যু দিৱস উপলক্ষে এক শ্ৰদ্ধাঞ্জলি অনুষ্ঠান কোকৰাঝাৰ জিলাৰ সেৰফানগুৰিত অনুষ্ঠিত কৰে । উক্ত অনুষ্ঠানত চিআৰপিএফৰ শ্বহীদ হাবিলদাৰ সহদেৱ চন্দ্ৰ ৰায়ৰ পৰিয়ালৰ সদস্য-সদস্যাৰ লগতে চিআৰপিএফৰ ১২৯নং বেটেলিয়নৰ কমাণ্ডেন্ট সঞ্জীব কুমাৰৰ লগতে স্থানীয় সমাজসেৱক অবিনাশ ৰায় আদি উপস্থিত থাকে । শ্বহীদ সহদেৱ ৰায়ৰ প্ৰতিচ্ছবিত মাল্যাৰ্পণ আৰু পুষ্পাঞ্জলি অৰ্পণ কৰি সহধৰ্মিণীয়ে শ্ৰদ্ধা নিবেদন কৰাৰ অন্তত কমাণ্ডেন্ট সঞ্জীৱ কুমাৰে পুষ্পাঞ্জলি অৰ্পণ কৰে । ইয়াৰ পিছত সেনা জোৱানসকলৰ লগতে সকলোৱে শাৰী পাতি শ্ৰদ্ধা নিবেদন কৰে ।
প্ৰেৰক কৃষ্ণ বৰ্মন