নিয়মীয়া বাৰ্তা ডিজিটেল, ৩ এপ্ৰিলঃ গুৱাহাটীত উপস্থিত শচীন তেণ্ডুলকাৰ, ছাৰা তেণ্ডুলকাৰসহ পৰিয়াল। মুম্বাইৰ পৰা পৰিয়ালসহ বিমানবন্দৰত উপস্থিত শচীন তেণ্ডুলকাৰ। প্ৰায় ৭ দিনীয়া ভ্ৰমণসূচী হাতত লৈ গুৱাহাটীত উপস্থিত হৈছে পৰিয়ালসহ শচীন তেণ্ডুলকাৰ। বিমানবন্দৰৰ পৰা পোনে পোনে শ্বিলঙলৈ ৰাওনা হল শচীন তেণ্ডুলকাৰসহ পৰিয়াল। বৰাপানীত ২টা নিশা কটাই ৭ আৰু ৮ তাৰিখে কাজিৰঙা ভ্ৰমণ কৰিব ক্ৰিকেটৰ ভগৱানে। কাজিৰঙাত জীপ আৰু হাতী ছাফাৰি কৰিব পৰিয়ালটোৱে। ৯ তাৰিখে গুৱাহাটীত উপস্থিত হৈ কামাখ্যা দৰ্শন কৰাৰ সম্ভাৱনা আছে পৰিয়ালটোৱে। উল্লেখ্য যে ১০ তাৰিখে পুনৰ মুম্বাইলৈ উভতিব শচীন তেণ্ডুলকাৰসহ পৰিয়ালটো।