নিয়মীয়া বাৰ্তা, ১৯ মাৰ্চঃ ক’ভিড–১৯ৰ সংহাৰ ক্রমান্বয়ে দেশব্যাপী সম্প্রসাৰিত হোৱাৰ প্রতি লক্ষ্য ৰাখি প্রতিৰোধী ব্যৱস্থা গ্রহণ কৰি কেন্দ্রীয় চৰকাৰে দেশৰ বিদ্যালয়–বিশ্ববিদ্যা সকলো পৰীক্ষা স্থগিত ৰাখিবলৈ নির্দেশ দিছে ৷ বুধবাৰৰ পৰা কার্যকৰী হোৱাকৈ এই নির্দেশ সকলো ৰাজ্য, কেন্দ্রীয়শাসিত অঞ্চলসমূহে পালন কৰিব লাগিব ৷ উল্লেখ্য যে চলিত চিবিএছইৰ পৰীক্ষাসমূহ মার্চৰ সামৰণিত পুনৰ অনুষ্ঠিত কৰাৰ বাবে তাৰিখ নির্ধাৰণ কৰিবলৈও নির্দেশ দিছে কেন্দ্রীয় চৰকাৰে ৷ মন কৰিবলগীয়া যে ইতিমধ্যে ক’ৰোনাত আক্রান্ত ৰাজ্যৰ লগতে প্রতিৰোধী ব্যৱস্থা হিচাপে দেশৰ প্রায়বোৰ ৰাজ্যই শৈক্ষিক প্রতিষ্ঠানসমূহ ৩১ মার্চলৈকে বন্ধ ৰাখিছে যদিও কিছু কিছু পৰীক্ষা অনুষ্ঠিত হৈ আছিল ৷ কেন্দ্রীয় চৰকাৰৰ এই নির্দেশৰ পাছতে সকলো পৰীক্ষা বন্ধ হ’ব ৷