নিয়মীয়া বাৰ্তা, ২৪ মে’ : অসম বিশ্ববিদ্যালয়ক লৈ পুনৰ বিতর্ক সৃষ্টি হৈছে। বিশ্ববিদ্যালয়ৰ নাম সলনি কৰি “শিলচৰ বিশ্ববিদ্যালয়” কৰাৰ দাবী উত্থাপন কৰিছে বৰাক ডেমোক্ৰেটিক ফ্ৰন্টে (বিডিএফে)।
অসম বিশ্ববিদ্যালয় অসম চুক্তিৰ ফল বুলি হ্মপুত্ৰ উপত্যকাৰ এগৰাকী বাঙালী অধ্যাপকে মন্তব্য কৰাৰ বাবে আকৌ বিতর্কৰ সৃষ্টি কৰিছে। ইয়াৰ আগতো ব্ৰহ্মপুত্ৰ উপত্যকাৰ বিভিন্ন ৰাজনৈতিক নেতা, জাতীয়তাবাদী সংগঠনৰ বিষয়ববীয়াৰ লগতে বুদ্ধিজীৱীসকলে এই মন্তব্যক প্ৰতিষ্ঠা কৰিবলৈ চেষ্টা কৰিছে। এই অমূল্য বিতর্কৰ স্থায়ী সমাধানৰ বাবে প্ৰয়োজনে “অসম বিশ্ববিদ্যালয়”ৰ নাম সলনি কৰি “শিলচৰ বিশ্ববিদ্যালয়” কৰাৰ প্ৰস্তাব আগবঢ়াইছে বৰাক ডেমোক্ৰেটিক ফ্ৰণ্টে।
আজি বিডিএফৰ কাৰ্যালয়ত সাংবাদিকৰ সৈতে কথা পাতি বিডিএফৰ মিডিয়া কোষৰ মুখ্য আহ্বায়ক জয়দীপ ভট্টাচাৰ্যই কয় যে এইবাৰৰ ১৯ মে’ শ্বহীদ দিৱস উপলক্ষে অসম সাহিত্য সভাৰ প্ৰতিনিধিসকল প্ৰথমবাৰ বৰাক উপত্যকাত উপস্থিত হৈছিল। তেওঁলোকে ভাষা শ্বহীদসকলক শ্ৰদ্ধাঞ্জলি জ্ঞাপন কৰিছে, লগতে শিলচৰ ৰেল ষ্টেচনক “ভাষা শ্বহীদ ষ্টেচন” নামকৰণৰ দাবী স্বীকৃতি প্ৰদান কৰিছে। তেওঁ কয়, বিডিএফ হ’ল বৰাক উপত্যকাৰ একমাত্ৰ সংগঠন যিয়ে অসম সাহিত্য সভাৰ এই প্ৰচেষ্টাক উষ্ণ অভিনন্দন জনাইছে।
কিন্তু এই সমগ্ৰ সৌহার্দ্যপূৰ্ণ প্ৰয়াসক অম্লান কৰি তুলিছে অসম বিশ্ববিদ্যালয়ত অনুষ্ঠিত ব্ৰহ্মপুত্ৰ উপত্যকাৰ এগৰাকী অধ্যাপকৰ মন্তব্য। তেওঁ কয়, ইয়াৰ বাবে বিশ্ববিদ্যালয় কৰ্তৃপক্ষ প্ৰত্যক্ষ বা পৰোক্ষভাৱে দায়ী। ১৯ মে’ ভাষা শ্বহীদ দিৱসৰ দৰে গুৰুত্বপূৰ্ণ আৰু আবেগিক দিনত কাক আমন্ত্ৰণ জনোৱা হ’ব এইটো গুৰুত্বপূৰ্ণ সিদ্ধান্ত। অসম সাহিত্য সভাৰ প্ৰতিনিধিসকলক আমন্ত্ৰণ দিয়াটো যুক্তিসংগত আছিল, কিয়নো ই দুয়ো উপত্যকাৰ মাজৰ ভুল বুজাবুজিৰ অৱসানত সহায়ক। কিন্তু এই বিতর্কিত অধ্যাপকৰ স্থানত আন বহু গুণী ব্যক্তিক বাছনি কৰা হ’লে এনে বিতৰ্ক নহ’লহেতেন ।
বিডিএফৰ আহ্বায়ক হৃষীকেশ দেই কয় যে, এই বিতর্কিত অধ্যাপকে প্ৰকাৰান্তৰে বৰাকবাসীক অপমান কৰিছে আৰু ভ্ৰান্ত তথ্য দিছে। তেওঁ কয়, অধ্যাপকে “আসাম বিশ্ববিদ্যালয়”ৰ সঠিক নাম বেয়াকৈ “অসম বিশ্ববিদ্যালয়” বুলিও উল্লেখ কৰিছে। লগতে শিলচৰত অসমীয়া বিভাগ নাই বুলি ভ্ৰান্ত মন্তব্য দিছে আৰু সেই বিভাগ স্থাপন কৰিবলৈ দাবী উত্থাপন কৰিছে। হৃষীকেশে কয়, বৰাক উপত্যকাৰ কোনো কলেজত স্নাতক স্তৰত অসমীয়া অধ্যয়নৰ সুবিধা নাই। তেওঁ কয়, বৰাকত অসমীয়া ভাষাভাষীৰ সংখ্যা মাথোঁ প্ৰায় ২%। সেয়েহে এই ধৰণৰ বিভাগত ছাত্ৰ নাথাকিব পাৰে, ইয়াৰ বাবে সেই বিভাগ ডিফুত খোলা হৈছে যদিও তাতো ছাত্ৰ-ছাত্ৰী খুবেই কম।
তেওঁ কয়, যিহেতু অসম বিশ্ববিদ্যালয়ত অসমীয়া বিভাগ খোলাৰ প্ৰস্তাব বিভিন্ন সময়ত উত্থাপিত হৈছে। এই ক্ষেত্ৰত তেজপুৰ বিশ্ববিদ্যালয়তো বাংলা বিভাগ খোলাৰ প্ৰস্তাব আগবঢ়োৱা উচিত। কিয়নো তেজপুৰ অঞ্চলত প্ৰায় ২০ শতাংশ লোক বাংলাভাষী। হৃষীকেশ দেই কয়, অধ্যাপকৰ সদিচ্ছা থাকিলে তেওঁ তেজপুৰত বাংলা বিভাগ খোলাৰ দাবী উত্থাপন কৰক। সেয়া নকৰিলে “সমন্বয়”-ৰ নামত কেৱল বৰাকবাসীক উপদেশ দিয়াটো আত্মস্বাৰ্থ বা অন্য অসৎ উদ্দেশ্য বুজায়। সেয়ে বিডিএফৰ মতে, ভবিষ্যতে এই অধ্যাপকক সম্পূৰ্ণৰূপে বয়কট কৰা উচিত। এই দিনা বিডিএফৰ যুব ফ্ৰন্টৰ মুখ্য আহ্বায়ক কল্পাৰ্ণব গুপ্তই কয় যে, অসম বিশ্ববিদ্যালয় প্ৰতিষ্ঠাৰ পিছত আছিল শিক্ষাবিদ প্রেমেন্দ্ৰ মোহন গোস্বামীৰ “শিক্ষা সংৰক্ষণ সমিতি”-ৰ সংগ্ৰাম আৰু “আকছা”ৰ সভাপতি প্ৰদীপ দত্তৰায়ৰ নেতৃত্বত আন্দোলন, তৎকালীন সাংসদ সন্তোষ মোহন দেৱৰ কাৰ্য, আৰু সৰ্বোপৰি সমগ্ৰ বৰাক উপত্যকাৰ জনগণৰ বৃহৎ আন্দোলন। যিয়ে এই ইতিহাস লুকুৱাব খুজে, তেওঁলোকে জনগণৰ শত্রু।
প্ৰেৰক গৌতম তালুকদাৰ