গোৱালপাৰাত উচ্ছেদাভিযান, দহিকটা বনাঞ্চল খালী কৰাৰ নিৰ্দেশ বন বিভাগৰ

গোৱালপাৰাত পুনৰ চলিব বন বিভাগৰ বৃহৎ উচ্ছেদ অভিযান৷ বহু চৰ্চিত দহিকটা সংৰক্ষিত বনাঞ্চল আৰু পাইকান সংৰক্ষিত বনাঞ্চল (দ্বিতীয় খণ্ড) খালী কৰাৰ নিৰ্দেশ বন বিভাগৰ৷ বেদখলকাৰীক ৩০ দিনৰ সময়সীমা বান্ধি দিছে বন বিভাগে৷

বেদখলমুক্ত হোৱাৰ দিশে দহিকটা সংৰক্ষিত বনাঞ্চলৰ অন্তৰ্গত ঐতিহাসিক শ্ৰীসূৰ্য পাহাৰ মহাপীঠস্থান। শীঘ্ৰেই পাইকান সংৰক্ষিত বনাঞ্চলৰ লগতে উচ্ছেদ চলিব দহিকটা সংৰক্ষিত বনাঞ্চলত৷ ইতিমধ্যেই দহিকটা সংৰক্ষিত বনাঞ্চলত বন বিভাগে জাননী জাৰি কৰি বেদখলকাৰীক মাটি এৰিবলৈ নিৰ্দেশো দিছে ৷

দহিকটা সংৰক্ষিত বনাঞ্চলৰ অন্তৰ্গত গোৱালপাৰাৰ ঐতিহাসিক সূৰ্যপাহাৰ পীঠস্থানৰ বেদখল ভূমিত জাননী জাৰি কৰিছে বন বিভাগে৷ সূৰ্য্যপাহাৰ পীঠস্থানৰ ২৫৫২ বিঘা মাটিৰ ১৩৩ আৰু ১৪০ দাগ নম্বৰৰ পট্টাৰ ৮৮১ বিঘা মাটিয়ে বৰ্তমান বেদখলকাৰীৰ কবলত।

বাৰ্তা ব্যুৰো গোৱালপাৰা, ২৩ অক্টোবৰ