কামৰূপৰ নগৰবেৰা আৰক্ষী থানাৰ অন্তৰ্গত পাহাৰপাৰাস্থিত বাঘেশ্বৰী মন্দিৰৰ পৰা শিলৰ মূৰ্তি চুৰিৰ অপচেষ্টা সম্পৰ্কে বিশ্বাসযোগ্য তথ্য লাভ কৰি নগৰবেৰা আৰক্ষীয়ে এক অভিযান চলায় |
অ’চি হৰজিৎ দাসৰ নেতৃত্বত যোৱা আৰক্ষীৰ দল এটাই ঘটনাস্থলীত উপস্থিত হৈ স্থানীয় লোকৰ সহযোগত বৰপেটা জিলাৰ কাছুমাৰা আৰক্ষী থানাৰ অন্তৰ্গত হলঙ্গাপাৰা গাঁৱৰ নুৰ নৱীৰ পুত্ৰ সুৰজ জামাল নামৰ অভিযুক্তক আটক কৰে |
আৰক্ষীয়ে তালাচী চলাই বাঘেশ্বৰী দেৱীৰ শিলামূৰ্তি এটা উদ্ধাৰ কৰিবলৈ সক্ষম হয় | পিছত অভিযুক্তক নগৰবেৰা থানালৈ নিয়া হয় | মন্দিৰৰ শিলামূৰ্তি চুৰিৰ খবৰে অঞ্চলজুৰি চাঞ্চল্য বিয়পায়।
নিয়মীয়া বাৰ্তা, নগৰবেৰা, ২৫ জুলাই :