নিয়মীয়া বাৰ্তা, ২৬ এপ্রিলঃ মহামাৰী ক’ৰোনা ভাইৰাছৰ বিৰুদ্ধে ভাৰতে চলাই থকা যুঁজত সহায় কৰিবলৈ বিশ্বকাপত খেলা বেটকে ধৰি ক্রিকেটৰ কেইবাবিধো সামগ্রী নিলাম কৰিলে টীম ইণ্ডিয়াৰ উদীয়মান তাৰকা লোকেশ ৰাহুলে৷
এটা স্বেচ্ছাসেৱী সংগঠনৰ সহযোগত ক্রিকেটাৰগৰাকীয়ে এই প্রচেষ্টা হাতত লৈছিল৷ শনিবাৰে হৈ যোৱা নিলাম প্রক্রিয়াত ৰাহুলে ২০১৯ৰ এদিনীয়া বিশ্বকাপত শতক অর্জন কৰা ক্রিকেট বেটখন ২,৬৪,২২৮ টকাত বিক্রী হয়৷
একেদৰে তেওঁৰ হেলমেট ১.২২ লাখ, পেড ৩৩ হাজাৰ, এদিনীয়া জার্ছী ১.১৩ লাখ, টি–২০ জার্ছী ১.৪ লাখ, টেষ্ট জার্ছী ১.৩২ লাখ আৰু গ্ল’ভছ ২৮ হাজাৰ টকাত নিলাম হয়৷ নিলামৰ পৰা সংগৃহীত সকলো ধন স্বেচ্ছাসেৱী সংগঠনটোৰ জৰিয়তে ৰাহুলে মহামাৰীত আক্রান্ত শিশুসকলৰ সহায়ৰ বাবে ব্যয় কৰিব৷
উল্লেখ্য যে কিছুদিন পূর্বে নিজৰ ২৮ বছৰীয়া জন্মদিনত প্রতিভাৱান ক্রিকেটাৰগৰাকীয়ে এই কথা ঘোষণা কৰিছিল৷