নিয়মীয়া বাৰ্তা ১৯ মেঃ কামৰূপ জিলাৰ বাইহাটা চাৰিআলি আৰক্ষী থানাৰ অন্তৰ্গত বেজেৰাৰ ত্ৰিনয়ন গেছ এজেঞ্চীৰ সন্মুখত এক পথ দুৰ্ঘটনাত এজন লোক কথমপি ৰক্ষা পৰে। খাৰুপেটিয়াৰ পৰা এ এছ ১২ বি চি ৪০৪২ নম্বৰৰ চব্জী ভৰ্তি গাড়ী এখনে বাইহাটা চাৰিআলি অভিমুখে আহি থকা অৱস্থাত বেজেৰাৰ ত্ৰিনয়ন গেছ এজেঞ্চীৰ সন্মুখত নিয়ন্ত্ৰণ হেৰুৱাই এজন পথচাৰি ফালে আগুৱাই অহাত পথচাৰি জন খাৱৈত জাপ দিয়ে। পিছত ১৫নংৰাষ্ট্ৰীয় পথত পৰি যায় চব্জী ভৰ্তি গাড়ী খন। ততাতৈয়াকৈ স্থানীয় লোক ওলাই আহি উদ্ধাৰ কৰে চালক আৰু পথচাৰি জনক ।ভয়ঙ্কৰ পথ দুৰ্ঘটনাৰ পৰা কথমপি ৰক্ষা পৰে শালমাৰা গাঁৱৰ টঙ্কেশ্বৰ ডেকা নামৰ ব্যক্তিজন।