আজি লাডাখ বিবাদক লৈ বেইজিং–দিল্লীৰ আলোচনা

নিয়মীয়া বাৰ্তা, ৬ জুনঃ লাডাখত চলা বিবাদ সমাধানৰ বাবে কাইলৈ চীন আৰু ভাৰতীয় সেনাৰ লেফটেনেণ্ট জেনেৰেল পর্যায়ৰ বিষয়াৰ বৈঠক অনুষ্ঠিত হ’ব৷ ইয়াৰ পূর্বেই শুকুৰবাৰে চীনে পিপলছ লিবাৰেচন আর্মী (পিএলএ)ৰ ৱেষ্টার্ন থিয়েটাৰ কমাণ্ড গ্রাউণ্ড ফ’চৰ নতুন কমাণ্ডাৰ নিযুক্তি দিয়ে৷ পিএলএৰ নতুনকৈ নিযুক্ত কমাণ্ডাৰজনে ভাৰতীয় সীমান্তৰ দায়িত্বত থাকিব৷

বেইজিঙে প্রকাশ কৰা মতে, নতুনকৈ নিযুক্ত কমাণ্ডাৰজন হৈছে লেফটেনেণ্ট জেনেৰেল জু কিলিং৷ লাডাখত দুয়োদেশৰ সেনাৰ মাজত উত্তেজনা অব্যাহত থকাৰ সময়তে যোৱা ১ জুনত পিএলএৰ ভাৰতীয় সীমান্তৰ দায়িত্বত নতুন কমাণ্ডাৰজনক নিযুক্তি দিছিল যদিও শুকুৰবাৰেহে সেই কথা পোহৰলৈ আহিছে৷ লেফটেনেণ্ট জেনেৰেল জুৱে সীমান্তৰ প্রতিবেদন ৱেষ্টার্ন থিয়েটাৰ কমাণ্ডৰ কমাণ্ডাৰ জেনেৰেল ঝাও জংকিক দাখিল কৰিব লাগিব৷