নিয়মীয়া বাৰ্তা, ১২জুনঃ মহানগৰীত দ্ৰুত সংক্ৰমণ ঘটিছে ক’ভিড-১৯ৰ। সামাজিক সংক্ৰমণো ঘটিছে মহানগৰী গুৱাহাটীত। গণ সংক্ৰমণৰ প্ৰতি লক্ষ্য ৰাখি কামৰূপ মেট্ৰ’ জিলা প্ৰশাসনে বহু কেইটা অঞ্চল কণ্টেইনমেণ্ট জ’ন হিচাপে ঘোষণা কৰিছিল।
পূৰ্বতে ৫৭টা অঞ্চল কণ্টেইনমেণ্ট জ’ন হিচাপে ঘোষণা কৰিছিল প্ৰশাসনে। কিন্তু বৰ্তমানলৈ সক্ৰিয় অৱস্থাত আছে ৩৬টা অঞ্চল। ২১টা অঞ্চলক কণ্টেইনমেণ্ট জ’নৰ পৰা ইতিমধ্যে বাতিল কৰা হৈছে। কোনো ধৰণৰ ট্ৰেভেল হিষ্ট্ৰী নথকাকৈ বহু কেইজন লোক আক্ৰান্ত হৈছে ক’ৰোনাত। গতিকে সকলোকে বৰ্তমান সজাগ আৰু সচেতন হৈ থাকিবলৈ আহ্বান।